ଦେବଗଡ: ଗତ ଦୁଇଦିନ ହେଲା ଜିଲ୍ଲାରେ ଲଗାଣ ବର୍ଷା ହେବା ଫଳରେ ତିଳେଇବଣି ବ୍ଲକ ଶୁଳିଆ ଗାଁ ନିକଟସ୍ଥ ଗୋହିରା ନାଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଫଳରେ ଏହି ନାଳ ଦେଇ ଯାତାୟତ ସମ୍ପୂର୍ଣ୍ଣ ଠପ ହୋଇପଡିଛି ।
ଲଗାଣ ବର୍ଷାରେ ବେହାଲ ଗୋହିରା ନାଳ, ଯାତାୟତ ଠପ
ଦେବଗଡ଼ ଜିଲ୍ଲାରେ ଲଗାଣ ବର୍ଷା ଲାଗିରହିଛି । ଫଳରେ ତିଳେଇବଣି ବ୍ଲକ ଶୂଳିଆ ଗାଁ ନିକଟସ୍ଥ ଗୋହିରା ନାଳରେ ବନ୍ୟା ପରିସ୍ଥିତି ଦେଖାଦେଇଛି । ଏହି ନାଳରେ 3/4 ଫୁଟ ବନ୍ୟାଜଳ ପ୍ରବାହିତ ହେବା ଫଳରେ ଏହି ରାସ୍ତାଦେଇ ଯାତାୟତ ସମ୍ପୂର୍ଣ୍ଣ ଠପ ହୋଇ ପଡିଛି । ଏହି ରାସ୍ତା ଦେଇ ପ୍ରତିଦିନ ଜିଲ୍ଲାର ନୂଆଡ଼ିହି , ଖିଲେଇ , ବାଘବର , ପାଳସମା , କରଲଗା ଆଦି ପାଞ୍ଚ ଖଣ୍ଡ ପଂଚାୟତ ର ଜନସାଧାରଣ ଦେବଗଡ଼ ସଦର ମହକୁମା କୁ ଯାତାୟତ କରିଥାନ୍ତି । ହେଲେ ଲଗାଣ ବର୍ଷା ଯୋଗୁଁ ଏହି ନାଳରେ ବନ୍ୟା ପରିସ୍ଥିତି ଦେଖାଦେଇ ଥିବାରୁ ଲୋକେ ଯାତାୟତ ରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ।