ଦେବଗଡ଼: ଜିଲ୍ଲାରେ ଗତ ଦୁଇଦିନ ଧରି ଲାଗିରହିଥିବା ଲଘୁଚାପ ଜନିତ ଲଗାଣ ବର୍ଷା ଫଳରେ ବ୍ୟାପକ କ୍ଷୟକ୍ଷତି ହୋଇଥିବା ଜଣାଯାଇଛି । ବିଶେଷକରି , ବାରକୋଟ ବ୍ଲକର ବିଭିନ୍ନ ଅଞ୍ଚଳରେ ରାସ୍ତା ଉପରେ ବର୍ଷାଜଳ ପ୍ରବାହିତ ହେବାରୁ ଯାତାୟତ ଠପ ହୋଇପଡିଛି । ସେହିପରି ପ୍ରବଳ ବର୍ଷା ଫଳରେ ପୁରୁଣାପାଣି ଓ ଖଜୁରିଖମଣ ଗାଁର ଅନେକ ଘରେ ପାଣି ପଶି ଯାଇଥିବା ଜଣାଯାଇଛି ।
ସେହିପରି ଦନ୍ତାରିବାହାଲ ପଞ୍ଚାୟତ ଅନ୍ତର୍ଗତ ବୃନ୍ଦାବନପୁର ଗାଁରେ ଶନିବାର ଲଗାଣ ବର୍ଷା ଫଳରେ ଦୁଇଟି ଘର ସମ୍ପୂର୍ଣ୍ଣ ରୂପେ ଭାଙ୍ଗି ଯାଇଛି । ଗତକାଲି ସକାଳେ ପ୍ରବଳ ବର୍ଷା ହେବା ଫଳରେ ଗାଁର ନିରଞ୍ଜନ ପ୍ରଧାନଙ୍କ ଘରଟି ଭୁଶୁଡି ପଡିଥିଲା । ଏହି ସମୟରେ ଘରେ ଥିବା ପରିବାର ଲୋକେ ଅଳ୍ପକେ ବଞ୍ଚି ଯାଇଥିଲେ । ତେବେ ଏଥିରେ ନିରଞ୍ଜନ ଙ୍କ ବାପା ଆହତ ହୋଇଥିବା ଜଣାପଡିଛି ।
ଲଘୁଚାପ ଜନିତ ଲଗାଣ ବର୍ଷାରେ ହନ୍ତସନ୍ତ ଦେବଗଡ ବାସୀ