ଦେବଗଡ଼: ଜିଲ୍ଲାର ବନଖଣ୍ଡ ଅଧିନ ରିଆମାଳ ରେଞ୍ଜର ପଳସମା ସେକ୍ସନର ବରଡାନାଳୀ ଗାଁ ନିକଟରେ ଦନ୍ତା ହାତୀର ମୃତ୍ୟୁ । ଏକ ଅଳ୍ପ ବୟସ୍କ ଦନ୍ତା ହାତୀର ମୃତଦେହ ଠାବ କରିଛି ବନବିଭାଗ । ଗୁରୁବାର ଭୋରୁ ଗାଁ ନିକଟରେ ହାତୀଟି ପଡିଥିବାର ଗ୍ରାମବାସୀ ଦେଖି ଦେବଗଡ଼ ବନ ବିଭାଗକୁ ଖବର ଦେଇଥିଲେ ।
ବନ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ମୃତ ଦନ୍ତାହାତୀକୁ ଉଦ୍ଧାର କରିଛନ୍ତି । ସେପଟେ ହାତୀର ମୃତ୍ୟୁ କାରଣ ଜଣାପଡିନଥିବା ବେଳେ ହାତୀର ବୟସ ପାଖାପାଖି ଚାରିରୁ ପାଞ୍ଚବର୍ଷ ହେବ ବୋଲି ଅନୁମାନ କରାଯାଉଛି । ତେବେ କେଉଁ ପରିସ୍ଥିତିରେ ଓ କିଭଳି ଦନ୍ତାର ଜୀବନ ଗଲା, ତାହାର ସଠିକ କାରଣ ଏପର୍ଯ୍ୟନ୍ତ ଜଣାପଡିନାହିଁ ।