ଦେବଗଡ଼:ଚୂଆ ମେଣ୍ଟାଉଛି ଶୋଷ । ବର୍ଷ ବର୍ଷ ଧରି ଚାଷଜମିରେ ଚୁଆ ଖୋଳି ପାନୀୟ ଜଳ ସଂଗ୍ରହ କରି ଆସୁଛନ୍ତି ଆଦିବାସୀ ପରିବାର । ଦେବଗଡ଼ ଜିଲ୍ଲା ତିଳେଇବଣି ବ୍ଲକ ରାଇପୁର ଗାଁର ପ୍ରାୟ 35ଟି ଆଦିବାସୀ ପରିବାର ଏହି ଜଳକଷ୍ଟ ଭୋଗୁଛନ୍ତି ।
ଚୂଆ ମେଣ୍ଟାଉଛି ଶୋଷ, ଜଳସଙ୍କଟରେ 35 ଆଦିବାସୀ ପରିବାର
ରାଇପୁର ଗାଁରେ ବସବାସ କରି ଆସୁଛନ୍ତି 35ଟି ମୁଣ୍ଡା ଆଦିବାସୀ ପରିବାର । ଦୀର୍ଘବର୍ଷ ହେଲା ଏହି ଗାଁରେ ଦେଖାଦେଇଛି ଜଳକଷ୍ଟ । ପାନୀୟ ଜଳ ମୁନ୍ଦାଏ ପାଇଁ ନାହିଁ ନଥିବା ଅସୁବିଧା ଭୋଗୁଛନ୍ତି ଗ୍ରାମବାସୀ । ପାନୀୟଜଳ ବ୍ୟବସ୍ଥା କହିଲେ ଗାଁରେ ଅଛି କେବଳ ଗୋଟିଏ ମାତ୍ର ନଳକୂପ । ହେଲେ ଏହି ନଳକୂପଟି ଗ୍ରାମବାସୀଙ୍କ ପାନୀୟ ଜଳ ଆବଶ୍ୟକତାକୁ ମେଣ୍ଟାଇ ପାରୁନାହିଁ । ଅଳ୍ପ କିଛି ସମୟ ଚାଲିବା ପରେ ନଳକୂପରୁ ଆଉ ପାଣି ବାହାରୁ ନାହିଁ । ଫଳରେ ଗ୍ରାମର 35ଟି ପରିବାର ଉତ୍କଟ ପାନୀୟ ଜଳ ସମସ୍ୟା ଦେଇ ଗତି କରୁଛନ୍ତି ।