ଦେବଗଡ: କୋରନା ସଂକ୍ରମଣର ମୁକାବିଲା ପାଇଁ ସରକାର ସାରାଦେଶରେ ଲକଡାଉନ ଘୋଷଣା କରିଥିବା ବେଳେ, ଏହି ସମୟରେ ସରକାରଙ୍କ ସ୍ଵୀକୃତିପ୍ରାପ୍ତ ସମସ୍ତ ଦେଶୀ ଓ ବିଦେଶୀ ମଦ ଦୋକାନ ଗୁଡିକ ବନ୍ଦ ରହିଛି । ତେବେ ଏହାର ସୁଯୋଗ ନେଇ କେତେକ ଚୋରା ମଦ ମାଫିଆ ଦେବଗଡ ଜିଲ୍ଲାର ବିଭିନ୍ନ ଅଞ୍ଚଳରେ ବିପୁଳ ମାତ୍ରାରେ ଚୋରାମଦ କାରବାର ଚଳାଇ ଆସୁଥିବା ଅଭିଯୋଗ ହେଉଛି ।
ଏହି କାରବାରକୁ ରୋକିବା ପାଇଁ ଜିଲ୍ଲାପାଳ ସୁଧାଂଶୁ ମୋହନ ସାମଲ ନିର୍ଦ୍ଦେଶ ଦେଇଥିଲେ । ଅବକାରୀ ଅଧିକ୍ଷକ ରମେଶ ଚନ୍ଦ୍ର ନାୟକଙ୍କ ତତ୍ତ୍ୱାବଧାନରେ ଓ ଅବକାରୀ ନିରୀକ୍ଷକ ପଦ୍ମଲୋଚନ ପ୍ରଧାନଙ୍କ ନେତୃତ୍ୱରେ ଶୁକ୍ରବାର ଜିଲ୍ଲାର ରିଆମାଳ ଥାନା ଅଧିନ ତେଲିମୁଣ୍ଡା ଗାଁରେ ଚଢ଼ାଉ କରାଯାଇ ଗାଁ ନିକଟସ୍ଥ ଏକ ବନ୍ଧହୁଡାରୁ ମଦରନ୍ଧା ପାଇଁ 6ଟି ଡ୍ରମରେ ରଖାଯାଇଥିବା 120 କିଲୋ ମହୁଲ ପଚ ଓ ମଦରନ୍ଧା ସାମଗ୍ରୀ ଜବତ କରାଯାଇଛି ।