ଦେବଗଡ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ । ଏଭଳି ଦୁଃଖଦ ଘଟଣା ଦେଖିବାକୁ ମିଳିଛି ଜିଲ୍ଲାର ଦେବଗଡ ଥାନା ଅଧିନ କାଲକାଟ ଗାଁରେ । ଆଜି(ମଙ୍ଗଳବାର) ସକାଳୁ ଗାଁରେ ଥିବା ଏକ ବିଦ୍ୟୁତ ଟ୍ରାନ୍ସଫର୍ମର ସଂସ୍ପର୍ଶରେ ଆସିଯିବାରୁ ଯୁବକଙ୍କର ମୃତ୍ୟୁ ହୋଇଥିବା ଜଣାପଡିଛି ।
ବିଦ୍ୟୁତ ଟ୍ରାନ୍ସଫର୍ମର ସଂସ୍ପର୍ଶରେ ଆସି ଯୁବକ ମୃତ
କାଲକାଟ ଗାଁ କିଷାନ ସାହିରେ ଦୀର୍ଘଦିନରୁ ଏକ ଖୋଲା ହୋଇଥିବା ବିଦ୍ୟୁତ ଟ୍ରାନ୍ସଫର୍ମର ଥିଲା । ଯେଉଁଥିରେ ମଙ୍ଗଳବାର ଜଣେ ଯୁବକ ଝୁଲୁଥିବା ଗ୍ରାମବାସୀ ଦେଖିବାକୁ ପାଇଥିଲେ । ଏହାପରେ ସେମାନେ ତୁରନ୍ତ ପୋଲିସକୁ ଖବର ଦେଇଥିଲେ। ତେବେ ଯୁବକଙ୍କ ପରିଚୟ ମିଳିପାରିନାହିଁ । ଯୁବକ ଜଣକ କାହିଁକି ଟ୍ରାନ୍ସଫର୍ମରକୁ ସ୍ପର୍ଶ କଲେ, ଏହାର କାରଣ ଜଣା ପଡ଼ିନାହିଁ।