କଟକ: ହୋଲି ହେଲା କାଳ। ରଙ୍ଗ ଖେଳି ନଦୀରେ ଗାଧୋଇବା ପାଇଁ ଗଲା ବେଳେ ନିଖୋଜ ଯୁବକଙ୍କ ମିଳିଲା ମୃତଦେହ। ଯାହାକୁ ନେଇ ସ୍ଥାନୀୟ ଅଞ୍ଚଳରେ ଖେଳି ଯାଇଛି ଦୁଃଖର ଲହରି । ସାଲେପୁର ନିଶ୍ଚିନ୍ତକୋଇଲି ଅଞ୍ଚଳରେ ଘଟିଛି ଏହି ଅଘଟଣ। ହୋଲି ଖେଳି ଚିତ୍ରତୋଳା ନଦୀ ନାଗାମଠ ନିକଟରେ ଗାଧୋଉଥିବା ବେଳେ ଯୁବକ ପାଣିରେ ନିଖୋଜ ହୋଇଯାଇଛନ୍ତି। ପ୍ରଥମେ ସ୍ଥାନୀୟ ଲୋକ ଖୋଜିବା ପରେ ସମସ୍ତ ଚେଷ୍ଟା ବିଫଳ ହୋଇଥିଲା ଏନେଇ ପରେ ଅଗ୍ନିଶମ ବିଭାଗ ଖୋଜାଖୋଜି ଜାରି ରଖିଛି। ନିଖୋଜ ହୋଇଥିବା ଯୁବକ ହେଲେ ବୁହାଳ ଗାଁର ରାଜ କୁମାର ସେନାପତି ହୋଇଥିବା ବେଳେ ତାଙ୍କ ମୃତଦେହ ଠାବ ହୋଇଛି। ତେବେ ଦୁଇଟି ଟିମ ନଦୀରେ ଖୋଜା ଖୋଜି ଜାରି ରଖିଥିଲେ।
ତେବେ ସୂଚନା ମୁତାବକ, ହୋଲି ଖେଳି ସାରି ତିନି ଜଣ ସାଙ୍ଗ ଦିନ 1ଟା ସମୟରେ ନଦୀରେ ଗାଧୋଉ ଥିବା ବେଳେ ହଠାତ୍ ନଦୀରେ ଭାସି ଯାଇଥିଲେ । ସୂଚନା ପାଇ ସ୍ଥାନୀୟ ଲୋକେ ଅଗ୍ନିଶମ ବିଭାଗ ପକ୍ଷରୁ ଖୋଜା ଖୋଜି ଆରମ୍ଭ ହୋଇଥିଲା। ହେଲେ ଏଯାବତ ରାଜା ନିଖୋଜ ରହିଛି। ତେବେ ଗୋଟିଏ ପଟେ ପରିବାର ଦୁଃଖରେ ଲହରି ଖେଳିଥିଲା ବେଳେ ଅନ୍ୟପଟେ ନଦୀ ତଟରେ ଏପରି ଘଟଣା କୁ ସହଜରେ ଗ୍ରହଣ କରି ପାରୁ ନାହାନ୍ତି ଗ୍ରାମବାସୀ ।