ନିଆଳି: ମନ୍ଦିର ପରିସରରେ ବିବାହ ସମୟରେ ବନ୍ଧୁକ ଦେଖାଇ ଲୋକଙ୍କୁ ଭୟଭୀତ କରିବା ଘଟଣାରେ ଦୁଇ ଜଣଙ୍କୁ କାବୁ କରି ବାଲିପାଟଣା ପୋଲିସର ଜିମା ଦେଲେ ସ୍ଥାନୀୟ ଲୋକେ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତଙ୍କୁ ଗିରଫ କରିଛି ।
ବାହାଘରରେ ବନ୍ଧୁକ ଦେଖାଇ ଭୟଭୀତ କରୁଥିଲେ ଯୁବଗୋଷ୍ଠୀ, କାବୁକରି ପୋଲିସର ଜିମା ଦେଲେ ସ୍ଥାନୀୟ ଲୋକେ
କଟକ ଜିଲ୍ଲା ଓ ଖୋର୍ଦ୍ଧା ଜିଲ୍ଲା ସୀମାନ୍ତବର୍ତ୍ତୀ ପରିଡପାଟଣା ଆଖଣ୍ଡଳମଣି ମନ୍ଦିର ପରିସରରେ ଗତକାଲି ବିବାହ ସମୟରେ ଘଟିଥିଲା ଏକ ଅଭାବନୀୟ ଘଟଣା । ମନ୍ଦିର ପରିସରରେ ଧୁମ୍ ଧାମରେ ବାହାଘର ଭୋଜି ସାଙ୍ଗକୁ ନାଚ ଗୀତର ଆସର ଚାଲିଥିବା ସମୟରେ ତିନି ଜଣ ଯୁବକ ପହଞ୍ଚି ବନ୍ଧୁକ ଧରି ଉତ୍ପାତ କରିଥିଲେ। ଲୋକଙ୍କୁ ଗାଳିଗୁଲଜ କରିବା ସହ ବନ୍ଧୁକ ଦେଖାଇ ଧମକ ଦେଇଥିଲେ। ତେବେ କିଛି ଲୋକ ସାହାସ ଜୁଟାଇ ସେମାନଙ୍କ ମଧ୍ୟରୁ ଜଣଙ୍କୁ କାବୁ କରିନେଇଥିବା ବେଳେ ଅନ୍ୟ ଦୁଇ ଅପରାଧୀ ଖସି ପଳାଇଥିଲେ। ଏହି ଘଟଣାକୁ ନେଇ ତୀବ୍ର ଉତ୍ତେଜନା ପ୍ରକାଶ ପାଇଥିଲା।