କଟକ: ଏକ କୋରିଅର ସଂସ୍ଥାର ତ୍ରୁଟି ଯୋଗୁଁ ବଦଳିଗଲା ମୃତଦେହର ଠିକଣା । ରାଜସ୍ଥାନ ଜୟପୁରର ଜଣେ ବ୍ୟକ୍ତିଙ୍କ ମୃତଦେହ କଟକ ଜିଲ୍ଲା ନେମାଳରେ ପହଞ୍ଚିଗଲା । ଆଉ ଘର ଲୋକ ମୃତକଙ୍କୁ ଚିହ୍ନି ନ ପାରି ତାଙ୍କ ଅନ୍ତିମ ସତ୍କାର ମଧ୍ୟ କରିଦେଲେ । ସବୁଠାରୁ ବଡ଼ କଥା ହେଉଛି କି ଅନ୍ତିମ ସଂସ୍କାର ହୋଇଯିବା ପରେ ମୃତ ବ୍ୟକ୍ତିଙ୍କ ଚିତାଭସ୍ମ ସଂଗ୍ରହ ପାଇଁ ଜୟପୁରର ବାସିନ୍ଦାଙ୍କ ସମ୍ପର୍କୀୟ ନେମାଳ ଆସୁଛନ୍ତି ଏବଂ ମୃତ୍ୟୁ ଓଡ଼ିଆ ଯୁବକଙ୍କ ମୃତଦେହ ମଧ୍ୟ ଓଡ଼ିଶା ଆସୁଛି । ସିନେମା କାହାଣୀ ପରି ଏହା ଲାଗୁ ଥିଲେ ବି ଏହା ସତ୍ୟ ଘଟଣା ଏବଂ ଏହି ଘଟଣା ସମଗ୍ର ଅଞ୍ଚଳରେ ଆଲୋଚନାର କେନ୍ଦ୍ର ବିନ୍ଦୁ ପାଲଟିଛି ।
ଜିଲ୍ଲାର ନେମାଳ ତିଳକଣା ପଞ୍ଚାୟତ ଅନ୍ତର୍ଗତ କୁଆଁଡୋଳ ଗାଁରେ ଏପରି ଏକ ଘଟଣା ଯାହାକି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଏହି ଗାଁର ବିଳାସ ଭୁଇୟା ମୁମ୍ବାଇର ଏକ ଘରୋଇ କମ୍ପାନୀରେ ଶ୍ରମିକ ଭାବରେ କାମ କରୁଥିଲେ । ତାଙ୍କର ଗତ ୭ଦିନ ତଳେ ଦେହ ଖରାପ ହେବାରୁ ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କର ବ୍ରେନ ଷ୍ଟୋକ ହୋଇଥିବା ଜଣାପଡିଥିଲା । ଚିକିତ୍ସା ଚାଲିଥିବା ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା । ଏକ କୋରିଅର କମ୍ପାନୀ ଦ୍ଵାରା ମୁମ୍ବାଇରୁ ବିମାନ ଯୋଗେ ତାଙ୍କ ମୃତଦେହ ଘରକୁ ଆସିଥିଲା । ତେବେ ବିମାନରେ ଆସିବା ସମୟରେ ରାଜସ୍ଥାନ ଜୟପୁରର ଜଣେ ବ୍ୟକ୍ତିଙ୍କ ମୃତଦେହକୁ ମଧ୍ୟ ପାର୍ସଲ କରାଯାଉଥିଲା ।
ଏହା ବି ପଢନ୍ତୁ- Archana Nag gets Bail: ହାଇକୋର୍ଟରୁ ଅର୍ଚ୍ଚନା ନାଗଙ୍କୁ ମିଳିଲା ଜାମିନ