କଟକ:ଆରମ୍ଭ ହେଇଗଲାଣି ପୂଜା । ଏବେ ନବରାତ୍ରି ଅବସରରେ କଟକର ବିଭିନ୍ନ ପୂଜା ମଣ୍ଡପରେ ବିଭିନ୍ନ ରୂପରେ ପୂଜା ପାଉଛନ୍ତି ମା' । ହେଲେ ଭକ୍ତଙ୍କ ସମାଗମ ନାହିଁ । କାହିଁକି ନା ଗତ ବର୍ଷ ପରି ଚଳିତ ବର୍ଷ ମଧ୍ୟ ପୂଜା ମଣ୍ଡପ ଗୁଡିକରେ ଲାଗିଛି କୋରୋନା କଟକଣା । କଟକଣା ଅନୁଯାୟୀ ମା'ଙ୍କ ୪ ଫୁଟର ମୂର୍ତ୍ତି ମଧ୍ୟ କରାଯାଇଛି ।
ଶେଖବଜାର ପୂଜା କମିଟିର ସ୍ବତନ୍ତ୍ର ବ୍ୟବସ୍ଥା, ଶ୍ରଦ୍ଧାଳୁଙ୍କ ପାଇଁ ସୋସିଆଲ ମିଡ଼ିଆରେ ପ୍ରସାରଣ ହେବ ମା'ଙ୍କ ପୂଜାଶେଖବଜାର ପୂଜା କମିଟିର ସ୍ବତନ୍ତ୍ର ବ୍ୟବସ୍ଥା, ଶ୍ରଦ୍ଧାଳୁଙ୍କ ପାଇଁ ସୋସିଆଲ ମିଡ଼ିଆରେ ପ୍ରସାରଣ ହେବ ମା'ଙ୍କ ପୂଜା
ତେବେ ଘରେ ରହି ଶ୍ରଦ୍ଧାଳୁ ମାନେ କିପରି ମାଙ୍କ ଦର୍ଶନ କରିବେ,ସେନେଇ ସହରର ବିଭିନ୍ନ ମଣ୍ଡପ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ବିଶେଷକରି ସୋସିଆଲ ମିଡ଼ିଆ ମାଧ୍ୟମରେ ମାଙ୍କ ଦର୍ଶନ ପାଇଁ ମଣ୍ଡପ ପକ୍ଷରୁ ବ୍ୟବସ୍ଥା କରାଯାଇଛି । ମା'ଙ୍କ ପୂଜା ସମୟରେ ୟୁଟ୍ୟୁବ ଓ ଫେସବୁକ ମଧ୍ୟରେ ମଣ୍ଡପ ପକ୍ଷରୁ ସିଧାପ୍ରାସରଣ କାର୍ଯ୍ୟକ୍ରମ କରାଯିବ। ଫଳରେ ମଣ୍ଡପ ନଯାଇ ସହଜରେ ମାଙ୍କୁ ଦର୍ଶନ କରିପାରିବେ ଶ୍ରଦ୍ଧାଳୁ ।