କଟକ: ଖସୁଛି ପାରଦ । ଶୀତ ଲହରିରେ ଥରୁଛି ଓଡିଶା । ଆଉ ଶୀତ ବଢିବା ସହ ତାଳ ଦେଇ କଟକରେ ଜମିଲାଣି ଶୀତ ବସ୍ତ୍ରର ଆସର । ଭଳିକି ଭଳି ଶୀତବସ୍ତ୍ର ସହିତ ଗ୍ରାହକଙ୍କ ଅପେକ୍ଷାରେ ଦୋକାନୀ । କିନ୍ତୁ ଶୀତ ବଢିବା ସହ ରାଜ୍ୟରେ କୋରୋନା ପୁନଃ ସଂକ୍ରମଣ ନେଇ ଚିନ୍ତା ବଢିଛି । କାରଣ ଶୀତ ଋତୁରେ କୋରୋନା କେସ୍ ବଢିବା ନେଇ ପୂର୍ବରୁ ଆଶଙ୍କା ପ୍ରକାଶ କରିଛନ୍ତି ଗବେଷକ । ଆଉ ବର୍ତ୍ତମାନର ପରିବେଶ ସଂକ୍ରମଣ ପାଇଁ ଉପଯୁକ୍ତ ସାବ୍ୟସ୍ତ ହୋଇଛି । ଏପଟେ ଦିଲ୍ଲୀରେ କୋରୋନା ଯେପରି ତାହାର ଦ୍ୱିତୀୟ ୱେଭ ଆରମ୍ଭ କରିଛି ତାହା ବେଶ ଭୟାନକ ରୂପ ନେଇଛି । କେଉଁ ମୁହୂର୍ତ୍ତରେ ଓଡିଶାରେ ସ୍ଥିତି ମଧ୍ୟ ବଦଳିପାରେ । ତେବେ ଏହାକୁ ଆଖି ଆଗରେ ରଖି ଶୀତ ବସ୍ତ୍ର ଉପରେ ଏବେ ଲୋକଙ୍କ ନଜର । ଦାମକୁ ନ ଦେଖି ବସ୍ତ୍ର ଘରକୁ ନେବା ପାଇଁ ବ୍ୟସ୍ତ ଗ୍ରାହକ ।
ଆସୁଛି କୋରୋନା ସେକେଣ୍ଡ ଓ୍ବେଭ, ବଢୁଛି ଶୀତ ବସ୍ତ୍ରର ଚାହିଦା