କଟକ:ରାତି ପାହିଲେ ନେତାଜୀ ଜୟନ୍ତୀ । ନେତାଜୀଙ୍କ ଜୀବନୀକୁ ଶିଳ୍ପୀ ଦେଉଛନ୍ତି ଜୀବନ। କଟକ ସହରର ସୁନାମଧନ୍ୟ ୧୫ ଜଣ ଭାସ୍କର୍ଯ୍ୟ ଶିଳ୍ପୀ ନେତାଜୀଙ୍କ ବିଭିନ୍ନ ଜୀବନଶୈଳୀକୁ ଆଧାର କରି ତିଆରି କରୁଛନ୍ତି ମୂର୍ତ୍ତି । ନେତାଜୀଙ୍କ ବୀରତ୍ୱର କାହାଣୀ, ନେତାଜୀଙ୍କ ଆଦର୍ଶ, ସ୍ଵାଧୀନତା ସଂଗ୍ରାମ ପାଇଁ ନେତାଜୀଙ୍କ ବିଦେଶ ଯାତ୍ରା ସହ ବିଶେଷ ଘଟଣାକୁ ନେଇ ଏହି ଭାସ୍କର୍ଯ୍ୟ ତିଆରି କରାଯାଉଛି। ଏହା ନେତାଜୀଙ୍କ ୧୨୫ ତମ ଜୟନ୍ତୀରେ ସଂଗ୍ରାହଳୟରେ ପ୍ରଦର୍ଶିତ କରାଯିବ ।
ଓଡିଶା ଦେଖିବ ନିଆରା ନେତାଜୀ ଜୟନ୍ତୀ, କାନ୍ଥରେ ଝଲସିବ ବୀରତ୍ବ କାହାଣୀ
ସହରର ଭାସ୍କର୍ଯ୍ୟ ଶିଳ୍ପୀଙ୍କୁ ପ୍ରୋତ୍ସାହନ ଦେବା ପାଇଁ ଏହି ଯୋଜନା ହାତକୁ ନେଇଛି ଲଳିତ କଳା ଏକାଡେମୀ । ଏହାସହ ଜୟନ୍ତୀ ପରେ ମଧ୍ୟ ଏହି ତମାମ ମୂର୍ତ୍ତିକୁ ସଂଗ୍ରହାଳୟରେ ରଖି ପର୍ଯ୍ୟଟକଙ୍କ ଦୃଷ୍ଟି ଆକର୍ଷଣ କରାଯିବ। ତେବେ ଏହି କାର୍ଯ୍ୟକ୍ରମ ହେବା ଦ୍ୱାରା ମୂର୍ତ୍ତି ନିର୍ମାଣ ପାଇଁ କାରିଗରଙ୍କ ମୁହଁରେ ଫୁଟିଛି ହସ ।