କଟକ: ବ୍ୟାରେଜରେ ବୁଡି 2 ସ୍କୁଲ ଛାତ୍ର ନିଖୋଜ । ଏପରି ଘଟଣା ଦେଖିବାକୁ ମିଳିଛି କଟକସ୍ଥିତ- ନାରାଜ ବ୍ୟାରେଜରେ । ବ୍ୟାରେଜ ଉପରେ ସ୍କୁଲ ପୋଷାକ ପଡିଛି । ପୋଷାକକୁ ଦେଖି ଉଭୟ ଛାତ୍ର ବୁଡି ଯାଇଥିବା ସନ୍ଦେହ କରିଛନ୍ତି ସ୍ଥାନୀୟ ଲୋକେ । ସୂଚନା ଅନୁଯାୟୀ ଆଜି ନଦୀରେ ଗାଧୋଇବାକୁ ଆସିଥିଲେ କିଛି ଛାତ୍ର । ହେଲେ ଏହି ସମୟରେ 2 ଛାତ୍ର ନିଖୋଜ ହୋଇଯାଇଥିଲେ । ଏହି ଘଟଣା ଘଟିବା ପରେ ବ୍ୟାରେଜରେ ବାରଙ୍ଗ ଅଗ୍ନିଶମ ବାହିନୀ ପହଁଞ୍ଚି ସର୍ଚ୍ଚ ଅପରେସନ ଆରମ୍ଭ କରିଛି । ସବୁ ଦିଗରେ ଖୋଜାଖୋଜି ଜାରି ରହିଛି। ହେଲେ ଉଭୟଙ୍କୁ ଖୋଜିବାରେ ବିଫଳ ହୋଇଛି ଅଗ୍ନିଶମ ବିଭାଗ ।
ତେବେ ଆଜି ସନ୍ଧ୍ୟା ହେବାରୁ ବ୍ୟାରେଜରେ ଖୋଜିବା ପ୍ରକ୍ରିୟା ବନ୍ଦ ହୋଇଛି । କାଲି ସକାଳୁ (ବୁଧବାର) ପୁଣି ସର୍ଚ୍ଚ ଅପରେସନ ଆରମ୍ଭ ହେବବୋଲି ଅଗ୍ନିଶମ ବିଭାଗ ସୂଚନା ଦେଇଛି । ତେବେ 6 ଜଣ ସାଙ୍ଗ ମଧ୍ୟାହ୍ନରେ ଖାଇବା ପାଇଁ ଆସିଥିଲା ବେଳେ ସେଥିରୁ 2 ଜଣ ନିଖୋଜ ରହିଛନ୍ତି । ଉଭୟ ହେଉଛନ୍ତି ଏକ ଘରୋଇ ସ୍କୁଲର ଛାତ୍ର। ନରାଜରେ ବର୍ତ୍ତମାନ ବନ୍ୟାଜଳ ପ୍ରବାହିତ ହେଉଥିଲା ବେଳେ ଏହି ଗଭୀର ଜଳରେ ଉଭୟଙ୍କୁ ଖୋଜା ଜାରି ରଖିଛି ବିଭାଗ । ତେବେ ଉଭୟ ନିଖୋଜ ଛାତ୍ର 2ଜଣ ହେଉଛନ୍ତି ଦେଉଳ ସାହିର ଦେଵପ୍ରିୟ ଚୌଧୁରୀ ଓ ମଙ୍ଗଳାବାଗର ଆଦିତ୍ୟ ଅଭିଷେକ ମଲ୍ଲିକ ।