ନକଲି ଆଇକାର୍ଡରେ ଅସଲି ଲୁଟ, ଜଣେ ଗିରଫ

ବଳରାମ ବେହେରା ନାମକ ବ୍ୟକ୍ତି ନିଜକୁ ରେଳବାଇ କର୍ମଚାରୀ କହି ସୌମେନ୍ଦ୍ର ନାଥ ଷଡ଼ଙ୍ଗୀ ନାମକ ବ୍ୟକ୍ତିଙ୍କୁ ସଚିବାଳୟରେ ଏକ କ୍ଳରିକାଲ ଚାକିରୀ କରାଇବା ବାହାନାରେ ଲକ୍ଷାଧିକ ଟଙ୍କା ଲୁଟ କରିଛନ୍ତି । ଅଧିକ ପଢନ୍ତୁ...

କଟକ: ଚାକିରୀ ଦେବା ନାଁରେ ଲକ୍ଷାଧିକ ଟଙ୍କା ଲୁଟ । ନିଜକୁ ରେଳବାଇ କର୍ମଚାରୀ କହି ଲୁଟୁଥିଲେ ଲକ୍ଷ ଲକ୍ଷ ଟଙ୍କା । ଚାଉଳିଆଗଞ୍ଜ ଥାନାରେ ଏତଲା ହେଲା ପରେ ଏହି ନକଲି ରେଳବାଇ କର୍ମଚାରୀକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।

ଖବରଅନୁସାରେ, ଗତ 1 ତାରିଖରେ ଥାନାରେ ହୋଇଥିବା ଏତଲା ଅନୁସାରେ, ବଳରାମ ବେହେରା ନାମକ ବ୍ୟକ୍ତି ନିଜକୁ ରେଳବାଇ କର୍ମଚାରୀ କହି ସୌମେନ୍ଦ୍ର ନାଥ ଷଡ଼ଙ୍ଗୀ ନାମକ ବ୍ୟକ୍ତିଙ୍କୁ ସଚିବାଳୟରେ ଏକ କ୍ଳରିକାଲ ଚାକିରୀ କରାଇବା ବାହାନାରେ ଲକ୍ଷାଧିକ ଟଙ୍କା ମାଗିଥିଲେ । ଏହିକ୍ରମରେ ସୌମେନ୍ଦ୍ର ଇଂଷ୍ଟେଲମେଣ୍ଟ ଜରିଆରେ 1 ଲକ୍ଷ 60 ହଜାର ପୈଠ କରିଥିଲେ । ଟଙ୍କା ପାଇବା ପରେ ଫୋନ ବନ୍ଦ କରି ଭଡା ଘରୁ ଚମ୍ପଟ ମାରିଥିଲେ ନକଲି ରେଳବାଇ କର୍ମଚାରୀ ।

ନକଲି ଆଇକାର୍ଡରେ ଅସଲି ଲୁଟ

ତେବେ ତଦନ୍ତ ଆରମ୍ଭ ହେବା ପରେ ନକଲି ସରକାରୀ ବାବୁଙ୍କୁ ଗିରଫ କରିଥିଲା ଚାଉଳିଆଗଞ୍ଜ ଥାନା ପୋଲିସ । ଗିରଫ ସମୟରେ ଅନେକ ନକଲି ସରକାରୀ ଆଇକାର୍ଡ, 2 ଟି ମୋବାଇଲ ଓ ଏକ ସ୍କୁଟି ଜବତ କରିଛି ପୋଲିସ । ତେବେ ଏହି ନକଲି ସରକାରୀ ବାବୁ ପୂର୍ବରୁ ଏମିତି ଅନେକ କଳା କାରନାମା କରି ପୋଲିସ ହାତରୁ ଫେରାର ଥିଲେ । ପୂର୍ବରୁ ତାଙ୍କ ନାଁରେ ଟ୍ବିନ ସିଟି ଅନେକ ଥାନାରେ ମାମଲା ରହିଛି ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ