କଟକ: ଆସନ୍ତା ୧୨ ତାରିଖରେ ବାରବାଟୀ ଷ୍ଟାଡିୟମରେ ଖେଳାଯିବ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଦ୍ବିତୀୟ ଟି-୨୦ ମ୍ୟାଚ୍ । ସୁରକ୍ଷା ବ୍ୟବସ୍ଥା ଲାଗି ଷ୍ଟାଡ଼ିୟମରେ ୬୨ ପ୍ଲାଟୁନ ପୋଲିସ ମୁତୟନ ହେବେ । କମିଶନରେଟ ପୋଲିସ ସୁରକ୍ଷା ବ୍ୟବସ୍ଥାର ସମୀକ୍ଷା କରି ପୋଲିସ ଅଧିକାରୀଙ୍କୁ ସେମାନଙ୍କର ଦାୟିତ୍ବ ସମ୍ପର୍କରେ ଆଲୋଚନା କରିଥିବା ଜଣାପଡ଼ିଛି ।
IND vs SA T20: ବାରବାଟୀରେ ସୁରକ୍ଷା ଦାୟିତ୍ବରେ ରହିବେ ୬୨ ପ୍ଲାଟୁନ ପୋଲିସ
ବିଶେଷକରି ମ୍ୟାଚ ଦିନ କିପରି ସମସ୍ତ ପୋଲିସ ଅଧିକାରୀ ସେମାନଙ୍କ କାର୍ଯ୍ୟ ସଠିକ ଭାବରେ କରିବା ସହ କେଉଁ କେଉଁ ସ୍ଥାନରେ ଡ୍ୟୁଟି କରିବେ ସେନେଇ ଆଲୋଚନା କରାଯାଇଛି । ତେବେ ମ୍ୟାଚ ଦିନ କଟକରେ ୬୨ ପ୍ଲାଟୁନ ପୋଲିସ ଫୋର୍ସ , ୩ ଡିସିପି, ୭ ଜଣ ଅତିରିକ୍ତ ଡିସିପି, ୩୨ ଜଣ ଏସିପି, ୪୫ ଜଣ ଇନିସପେକ୍ଟର, ୨୮୦ ଜଣ ଅଫିସର, ୨୧ ଜଣ ହାବିଲଦାରଙ୍କୁ ଦାୟିତ୍ବ ଦିଆଯାଇଛି ।