ଆସନ୍ତା 8 ଯାଏଁ ସଟଡାଉନ ସିଲଭରସିଟି, ଜାଣନ୍ତୁ ଗାଇଡଲାଇନ

କୋରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ଯୋଗୁଁ ଜୁଲାଇ 8 ତାରିଖ ପର୍ଯ୍ୟନ୍ତ ସଟଡାଉନ ହେବ କଟକ । ଶନିବାର ଏଭଳି ନିଷ୍ପତ୍ତି ନେଇଛି କଟକ ମହାନଗର ନିଗମ । ଅଧିକ ପଢନ୍ତୁ...

କଟକ: ସଟଡାଉନ ହେଲା କଟକ । ଜୁଲାଇ 8 ତାରିଖ ପର୍ଯ୍ୟନ୍ତ ସମଗ୍ର ସହର ହେବ ସଟଡାଉନ । କୋରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ଯୋଗୁଁ ଶନିବାର ଏଭଳି ନିଷ୍ପତ୍ତି ନେଇଛି କଟକ ମହାନଗର ନିଗମ ।

ନଜର ପକାନ୍ତୁ କ’ଣ ରହିଛି ଗାଇଡଲାଇନ:-

ଆସନ୍ତା ଜୁଲାଇ 8 ଯାଏଁ ସଟଡାଉନ ସିଲଭରସିଟି

• ଅତିଜରୁରୀ ନଥିବା ଯାତ୍ରା ଏବଂ ଆବଶ୍ୟକ ନଥିବା ଦୋକାନ ଗୁଡିକ ସମ୍ପୂର୍ଣ୍ଣ ବନ୍ଦ ରହିବ
• ସକାଳ 5ଟାରୁ ସନ୍ଧ୍ୟା 6ଟା ପର୍ଯ୍ୟନ୍ତ ସଉଦା, କ୍ଷୀର ଓ ପରିବା ଦୋକାନ ଖୋଲା ରହିବ । ସାମାଜିକ ଦୂରତା ଏବଂ ମାସ୍କ ପରିଧାନ କରି ଏହି ଦୋକାନ ଗୁଡିକୁ ଯାଇପାରିବେ
• ଔଷଧ ଦୋକାନ ଗୁଡିକ ମଧ୍ୟ ଖୋଲା ରହିବ
• ଅନଲାଇନରେ କେବଳ ଅତ୍ୟାବଶ୍ୟକ ସାମଗ୍ରୀ ମଗାଇପାରିବେ
• ଜରୁରୀକାଳୀନ ସେବା ଯଥା, ଇଲେକଟ୍ରିସିଟି ଏବଂ ପାଣି ଯୋଗାଣ ଜାରି ରହିବ

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ