ପୁଣି ହରପିସ ନେଲା ଗଜରାଜର ଜୀବନ

5 ଦିନ ମୃତ୍ୟୁ ସହ ସଂଘର୍ଷ ପରେ ଆଖି ବୁଜିଲା ଅସୁସ୍ଥ ମାଈ ହାତୀ । ହରପିସରେ ସଂକ୍ରମିତ ଥିବା ଏହି ହାତୀର ସାତ ଜଣିଆ ଟିମ୍ ଚିକିତ୍ସା ପରେ ମଧ୍ୟ ବଞ୍ଚାଇବାରେ ଅସଫଳ ହୋଇଛନ୍ତି ।

କଟକ: 5 ଦିନ ମୃତ୍ୟୁ ସହ ସଂଘର୍ଷ ପରେ ଆଖି ବୁଜିଲା ଅସୁସ୍ଥ ମାଈ ହାତୀ । ବାଙ୍କୀ ଡମପଡା ଚନ୍ଦକା ଅଭୟାରଣ୍ୟ ଅନ୍ତର୍ଗତ ବାଆଁରା ନିକଟ ଭାଲୁମୁଣ୍ଡିଆରେ ଅସୁସ୍ଥ ଥିଲା 20 ବର୍ଷର ଏହି ମାଈ ହାତୀ । ସେ ହରପିସରେ ସଂକ୍ରମିତ ଥିଲା ।

ସୂଚନାନୁସାରେ, ବାଙ୍କୀ ବାଆଁରା ଗ୍ରାମ ନିକଟସ୍ଥ ଡମପଡା ଚନ୍ଦକା ଅଭୟାରଣ୍ୟରୁ ଖସି ପଳାଇ ଆସିଥିବା 20 ବର୍ଷିୟ ଏହି ମାଈ ହାତୀ ଅସୁସ୍ଥ ହୋଇପଡ଼ିଥିଲା । ଖବର ପାଇ ଘଟଣାସ୍ଥଳରେ ଡମପଡା ବନବିଭାଗ କର୍ମଚାରୀ ପହଞ୍ଚି ହାତୀଟିର ପ୍ରାଥମିକ ଚିକିତ୍ସା କରିଥଲେ । ମାତ୍ର ହାତୀଟିର ଅବସ୍ଥା ଗୁରୁତର ହେବାରୁ ଭୁବନେଶ୍ବରରୁ ବନ ଅଧିକାରୀ ତଥା ଡିଏଫଓ ଏବଂ ଆସାମର ଏକ ମେଡିକାଲ ଟିମ୍‌ ଘଟଣାସ୍ଥଳରେ ପହଞ୍ଚି ଚିକିତ୍ସା କରୁଥିଲେ । 2ଟି ଡାକ୍ତରୀ ଟିମ୍‌ର ପ୍ରାୟ 7 ଜଣିଆ ମେଡିକାଲ ଟିମ୍‌ ହାତୀର ଚିକିତ୍ସା କରୁଥିଲେ ମଧ୍ୟ ଅସୁସ୍ଥ ହାତୀକୁ ବଞ୍ଚାଇବାରେ ସଫଳ ହୋଇନଥିଲେ ।

କଟକରୁ ନାରାୟଣ ସାହୁ, ଇଟିଭି ଭାରତ