ଆଶିଷ ହତ୍ୟାକାଣ୍ଡ ଘଟଣା, ପୋଲିସ ପଞ୍ଝାରେ ତିନି ଅଭିଯୁକ୍ତ

ବାଲିପାଟଣା ଥାନା ଶିଶିଲୋ ଅଞ୍ଚଳର ଆଶିଷ କୁମାର ଓଝାଙ୍କୁ ହତ୍ୟା ଘଟଣା । ତୃତୀୟ ଅଭିଯୁକ୍ତକୁ ଗିରଫ କଲା ପୋଲିସ । ଅଧିକ ପଢନ୍ତୁ

ନିଆଳି:ଆଶିଷ ଓଝା ହତ୍ୟା ଘଟଣା । ପୋଲିସ ପଞ୍ଝାରେ ତିନି ଅଭିଯୁକ୍ତ । ଗୁରୁବାର ୨ଜଣଙ୍କୁ ପୋଲିସ ଗିରଫ କରିଥିବା ବେଳେ ଆଜି ଫେରାର ଥିବା ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି । ତିନି ଅଭିଯୁକ୍ତ ହେଉଛନ୍ତି ରାଜେଶ ଦାସ, ରାକେଶ ସେଠି ଓ ଦୁର୍ଯ୍ୟୋଧନ ବେହେରା ।

ଆଶିଷ ହତ୍ୟାକାଣ୍ଡ ଘଟଣା: ପୋଲିସ ପଞ୍ଝାରେ ତିନି ଅଭିଯୁକ୍ତ

ସୂଚନା ଅନୁଯାୟୀ, ଖୋର୍ଦ୍ଧା ଜିଲ୍ଲା ବାଲିପାଟଣା ଥାନା ଶିଶିଲୋ ଅଞ୍ଚଳର ପ୍ରମୋଦ କୁମାର ଓଝାଙ୍କ ବଡ ପୁଅ ଆଶିଷ କୁମାର ଓଝା (୨୨)ଙ୍କୁ କିଛି ଦୁର୍ବୃତ୍ତ ଗତ ୬ତାରିଖ ରାତିରେ ଘରୁ ଡାକି ନେଇ ହତ୍ୟା କରିଥିଲେ । ଏହାପରେ ମୃତଦେହ ଶିଶୋଲ ବୋଧ ଖଣ୍ତି ବ୍ରିଜ ନିକଟ ଧାନ ବିଲରୁ ଉଦ୍ଧାର କରାଯାଇଥିଲା । ଏନେଇ ପରିବାର ଲୋକେ ବାଲିପାଟଣା ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ ଆରମ୍ଭ କରି ଗତ ଗୁରୁବାର ୨ଜଣ ଅଭିଯୁକ୍ତକୁ ଗିରଫ କରିଥିଲା ଓ ଜଣେ ଫେରାର ହୋଇଯାଇଥିଲା । ଏହାପରେ ପୋଲିସ ବିଭିନ୍ନ ସ୍ଥାନରେ ଚଢାଉ କରି ନିରାଶ ହୋଇଥିଲା । ପରେ ରବିବାର ରାତିରେ ଦୁର୍ଯ୍ୟୋଧନ ଗାଁକୁ ଆସିଥିବା ଖବର ପାଇ ପୋଲିସ ତାକୁ ଗିରଫ କରିଥିଲା । ଆଜି ଡାକ୍ତରୀ ମାଇନା ପରେ ୩ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ଆଇଆଇସି କୃପାସିନ୍ଧୁ ବରାଡ଼ ସୂଚନା ଦେଇଛନ୍ତି ।