ନୂଆଦିଲ୍ଲୀ: 7 ହାଇକୋର୍ଟକୁ ମିଳିବେ ନୂଆ ବିଚାରପତି । ସୁପ୍ରିମକୋର୍ଟ କଲେଜିୟମ 7ଟି ହାଇକୋର୍ଟ ପାଇଁ ମୁଖ୍ୟ ବିଚାରପତିଙ୍କ ନାମ ସୁପାରିସ କରିଛନ୍ତି । ଜଷ୍ଟିସ ଶୁଭାଶିଷ ତାଳପତ୍ର ଓଡିଶା ହାଇକୋର୍ଟ ମୁଖ୍ୟ ବିଚାରପତି ହେବେ । ଜଷ୍ଟିସ ଶୁଭାଶିଷ ତାଳପତ୍ରଙ୍କ ନାମ ସୁପାରିସ କରିଛନ୍ତି ସୁପ୍ରିମକୋର୍ଟ କଲେଜିୟମ ।
ବର୍ତ୍ତମାନ ଓଡିଶା ହାଇକୋର୍ଟ ବରିଷ୍ଠ ବଚାରପତି ଅଛନ୍ତି ଜଷ୍ଟିସ ଶୁଭାଶିଷ ତାଳପତ୍ର । ଆସନ୍ତା ମାସରେ ବର୍ତ୍ତମାନ ହାଇକୋର୍ଟ ମୁଖ୍ୟ ବିଚାରପତି ଥିବା ଏସ. ମୁରଲୀଧର ଅବସର ନେବେ । ତାଙ୍କ ପରେ ଓଡିଶା ହାଇକୋର୍ଟ ମୁଖ୍ୟ ବିଚାରପତି ଭାବେ ଦାୟିତ୍ବ ନେବେ ଜଷ୍ଟିସ ଶୁଭାଶିଷ ତାଳପତ୍ର । 2011 ନଭେମ୍ବର 1ରେ ଜଷ୍ଟିସ ଶୁଭାଶିଷ ତାଳପତ୍ରଙ୍କୁ ଗୌହାଟୀ ହାଇକୋର୍ଟ ବିଚାରପତି ଭାବେ ନିଯୁକ୍ତ କରାଯାଇଥିଲା । 2013ରେ ତ୍ରିପୁରା ପାଇଁ ପୃଥକ ଭାବେ ହାଇକୋର୍ଟ ସ୍ଥାପନ ହେବା ପରେ ସେ ତ୍ରିପୁରା ହାଇକୋର୍ଟ ବିଚାରପତି ଥିଲେ । ଜଷ୍ଟିସ ଶୁଭାଶିଷ ତାଳପତ୍ର ୨୦୧୮ ନଭେମ୍ବରରୁ ୨୦୧୯, ନଭେମ୍ବର ପର୍ଯ୍ୟନ୍ତ ସେ ତ୍ରିପୁରା ହାଇକୋର୍ଟର କାର୍ଯ୍ୟକାରୀ ମୁଖ୍ୟ ବିଚାରପତି ଭାବେ ଦାୟିତ୍ବ ନିର୍ବାହ କରିଥିଲେ ।
ଏହା ବି ପଢନ୍ତୁ...Article 370 case: ଅଗଷ୍ଟରୁ ଶୁଣାଣି ଆରମ୍ଭ କରିପାରନ୍ତି ସର୍ବୋଚ୍ଚ କୋର୍ଟ
ଏହାପରେ ଜଷ୍ଟିସ ଶୁଭାଶିଷ ତାଳପତ୍ରଙ୍କ ଓଡିଶା ହାଇକୋର୍ଟକୁ ବଦଳି ପାଇଁ 2022 ମସିହାରେ ସୁପାରିସ କରାଯାଇଥିଲା । 1961 ଅକ୍ଟୋବର 4ରେ ତ୍ରିପୁରାର ଜଷ୍ଟିସ ଶୁଭାଶିଷ ତାଳପତ୍ରଙ୍କ ଜନ୍ମ । କୋଲକାତା ବିଶ୍ବବିଦ୍ୟାଳୟରୁ ସେ ଆଇନରେ ସ୍ନାତ୍ତକ କରିଛନ୍ତି । 2022 ଜୁନ 10ରୁ ସେ ଓଡିଶା ହାଇକୋର୍ଟ ବିଚାରପତି ଭାବେ ଶପଥ ନେଇଥିଲେ । ସେବେଠୁ ସେ ଓଡିଶା ହାଇକୋର୍ଟରେ ବିଚାରପତି ଭାବେ କାମ କରିଆସୁଥିବା ବେଳେ ଆସନ୍ତାମାସରେ ମୁଖ୍ୟ ବିଚାରପତି ଭାବେ ଶପଥ ନେବେ ।
ଏହା ବି ପଢନ୍ତ...ସୁପ୍ରିମକୋର୍ଟ 73ବର୍ଷ ଇତିହାସରେ ପ୍ରଥମ: ଆଧୁନିକ ଡିଜାଇନରେ କୋର୍ଟ ରୁମ ସହ ମାଗଣା WIFI
ଓଡିଶା ହାଇକୋର୍ଟ ବ୍ୟତୀତ ଅନ୍ୟ 6ଟି ହାଇକୋର୍ଟ ପାଇଁ ନୂଆ ବିଚାରପତିଙ୍କ ନାମ ସୁପାରିସ କରିଛନ୍ତି ସୁପ୍ରିମକୋର୍ଟ କଲେଜିୟମ । କେରଳ, ମଣିପୁର, ଗୁଜୁରାଟ, ତେଲେଙ୍ଗାନା, ଆନ୍ଧ୍ରପ୍ରଦେଶ ଓ ବମ୍ବେ ହାଇକୋର୍ଟ ପାଇଁ ମୁଖ୍ୟ ବିଚାରପତିଙ୍କ ନାମ ସୁପାରିସ ହୋଇଛି । ଜଷ୍ଟିସ ଦେବେନ୍ଦ୍ର ଉପାଧ୍ୟାୟ ବମ୍ବେ ହାଇକୋର୍ଟ ମୁଖ୍ୟ ବିଚାରପତି ହେବେ । ସେହିପରି ସୁନିତା ଅଗ୍ରୱାଲ ଗୁଜୁରାଟ ହାଇକୋର୍ଟ ମୁଖ୍ୟ ବିଚାରପତି ଭାବେ ଶପଥ ନେବେ । କର୍ଣ୍ଣାଟକ ହାଇକୋର୍ଟ ବିଚାରପତି ଥିଲେ ଜଷ୍ଟିସ ଆଲୋକ ଆରଧେ ତେଲେଙ୍ଗାନା ହାଇକୋର୍ଟ ମୁଖ୍ୟ ବିଚାରପତି ହେବେ । ବମ୍ବେ ହାଇକୋର୍ଟ ବିଚାରପତି ଥିବା ଧୀରଜ ସିଂହ ଠାକୁର ଅନ୍ଧ୍ରପ୍ରଦେଶ ହାଇକୋର୍ଟ ମୁଖ୍ୟ ବିଚାରପତି ହେବେ । ଦିଲ୍ଲୀ ହାଇକୋର୍ଟ ବିଚାରପତି ଜଷ୍ଟିସ ସିଦ୍ଧାର୍ଥ ମ୍ରିଦୁଳ ମଣିପୁର ହାଇକୋର୍ଟ ମୁଖ୍ୟ ବିଚାରପତି ହେବେ । ସେହିପରି ଗୁଜୁରାଟ ହାଇକୋର୍ଟ ବିଚାରପତି ଜଷ୍ଟିସ ଆଶିଷ ଜେ ଦେଶାଇ କେରଳ ହାଇକୋର୍ଟ ମୁଖ୍ୟ ବିଚାରପତି ହେବେ ।
