କଟକ:କଟକର ମହାନଦୀ ବିହାର ଅଞ୍ଚଳରେ ବଡ ଧରଣର ଡକାୟତି ହୋଇଛି । ଶୁକ୍ରବାର ଭୋର ସମୟରେ ଘରେ ପଶି ଗୃହକର୍ତ୍ତାଙ୍କୁ ଆକ୍ରମଣ କରିବା ସହିତ ଗୋଡହାତ ବାନ୍ଧି କଳା କନା ବୁଲାଇଛନ୍ତି ଦୁର୍ବୁତ୍ତ । ସେମାନେ ନଗଦ ୧୮.୫ ଲକ୍ଷ ଟଙ୍କା ସହ ସୁନା ରୂପା ଅଳଙ୍କାର ଲୁଟି ନେଇ ଫେରାର ହୋଇଯାଇଛନ୍ତି(Robbers loot 18 lakh Cash and jewellery in Cuttack) । ଘଟଣାସ୍ଥଳରେ ଚାଉଳିଆଗଞ୍ଜ ପୋଲିସ ଓ ସାଇନ୍ଟିଫିକ ଟିମ୍ ପହଞ୍ଚି ଛାନଭିନ ଜାରି ରଖିଛି । ୫ ଜଣ ଲୁଟେରା ଘରେ ପଶି ଏହି ଲୁଟ୍ କରିଥିବା ଜଣାପଡିଛି । ସେପଟେ କଟକରେ ପୁଣି ଲୁଟେରା ଗ୍ୟାଙ୍ଗ ସକ୍ରିୟ ହେବା ନେଇ ସ୍ଥାନୀୟ ଅଞ୍ଚଳବାସୀ ଭୟଭୀତ ହୋଇପଡ଼ିଥିବାବେଳେ, ସୁରକ୍ଷା ବ୍ୟବସ୍ଥାକୁ ପ୍ରଶ୍ନ ଉଠାଇଛନ୍ତି ।
ସୂଚନା ଅନୁଯାୟୀ, ଶୁକ୍ରବାର ସକାଳୁ ସକାଳୁ ୫ ଜଣ ଦୁର୍ବୃତ୍ତ କଟକରେ ଏପରି ବଡ଼ ଧରଣର ଲୁଟ ଭିଆଇଛନ୍ତି । ଚାଉଳିଆଗଞ୍ଜ ଥାନା ଅନ୍ତର୍ଗତ ମହାନଦୀ ବିହାରରେ ପରିବାର ସହିତ ରହୁଥିବା ଦୀପ୍ତି ପଟ୍ଟନାୟକଙ୍କ ଘରେ ଭୋର ପ୍ରାୟ ସାଢ଼େ ୫ଟା ସମୟରେ ହୋଇଛି ଏହି ସଶସ୍ତ୍ର ଡକାୟତି ହୋଇଛି । ୫ ଜଣ ଡକାୟତ ଘରେ ପଶି ପ୍ରଥମେ ପରିବାର ଲୋକଙ୍କୁ ଆକ୍ରମଣ କରିଥିଲେ । ସମସ୍ତଙ୍କୁ ବାନ୍ଧି ଗୋଟିଏ ରୁମରେ ଲକ୍ କରି ଡକାୟତି କରିଥିଲେ । ଘରେ ଥିବା ନଗଦ ୧୮.୫ ଲକ୍ଷ ଟଙ୍କା ଓ ସୁନା ରୂପା ଗହଣା ଲୁଟି ନେଇଥିଲେ(Armed Robbers Loots over 18 Lakh) । ଏପରିକି ପ୍ରମାଣ ନଷ୍ଟ ପାଇଁ ଡକାୟତମାନେ ନିଜ ସାଙ୍ଗରେ ସିସିଟିଭି ହାର୍ଡଡିସ୍କ ମଧ୍ୟ ନେଇଯାଇଛନ୍ତି ।