ଭୁବନେଶ୍ବର: କୋରୋନାର ଭୟାବହତା କାହାକୁ ଅଛପା ନାହିଁ । ଆବାଳବୃଦ୍ଧବନିତା, ମଜୁରିଆ ଠାରୁ କର୍ମଜୀବୀ ଏପରିକି ରାସ୍ତାରେ ବୁଲୁଥିବା ପାଗଳ ମଧ୍ୟ ଏହାର କଷ୍ଟ ଜାଣି ପାରୁଛନ୍ତି । ସାରା ବିଶ୍ବରେ ଏହା ମୃତ୍ୟୁର ତାଣ୍ଡବ ରଚି ଚାଲିଛି । ଏହାକୁ ରୋକିବା ପାଇଁ ଏବେ ସୁଦ୍ଧା ବାହାରିପାରିନି ଭ୍ୟାକସିନ । ତେବେ ଏହାଠାରୁ ବର୍ତ୍ତିବା ପାଇଁ ସାରା ଦୁନିଆରେ ଜାରି ହୋଇଛି ଲକଡାଉନ । ଘରେ ଏକପ୍ରକାର ନଜରବନ୍ଦୀ ଲୋକେ ।
ଓଡିଆ ଗୀତର ତାଳେ ତାଳେ ମନ ଜିଣୁଛନ୍ତି ଆରଜେ ଅନୁ
ତେବେ ଏହି ସମୟରେ ଲୋକଙ୍କ ଦୁଃଖକୁ ବୁଝି ତାଙ୍କର ମନୋରଞ୍ଜନ କରିବା ପାଇଁ ସୋସିଆଲ ମିଡିଆରେ ଅନେକ ଭିଡିଓ ଓ ଗୀତ ପୋଷ୍ଟ କରୁଛନ୍ତି ସେଲିବ୍ରିଟି । ତେବେ ଏଥିରେ ପଛରେ ପଡିନାହାନ୍ତି କଟକ ଆକାଶବାଣୀର ଆରଜେ ବବି ଅନୁସୂୟା । କଟକରେ ରହୁଥିବା ବବିଙ୍କ ଭିଡିଓ ସଙ୍ଗୀତ ଲୋକଙ୍କୁ ବେଶ ଛୁଇଁ ପାରିଥିବା ଦେଖିବାକୁ ମିଳୁଛି । ସୋସିଆଲ ମିଡିଆରେ ଗୀତ ପୋଷ୍ଟ ହେବା କ୍ଷଣି ଏହାକୁ ଦର୍ଶକ ପ୍ରଶଂସା କରୁଛନ୍ତି । ଏହାସହ ହଜାର ହଜାର ସଂଖ୍ୟାରେ ଏହାକୁ ସେୟାର ଓ କମେଣ୍ଟ କରାଯାଉଛି ।