ଛାତ୍ରୀ ମୃତ୍ୟୁ ପରେ ତତ୍ପର ହେଲା କମିଶନରେଟ୍ ପୋଲିସ୍

କଲେଜ ଛକରେ ବେଆଇନ ପାର୍କିଂ ଓ ଭାରୀଯାନ ଯାତାୟତ ଉପରେ ଲାଗିବ କଟକଣା। ଟ୍ରାଫିକ ବ୍ୟବସ୍ଥାକୁ ସୁଦୃଢ କରିବ କମିସନରେଟ ପୋଲିସ ।

କଟକ: ରେଭେନ୍ଶା ବିଶ୍ବବିଦ୍ୟାଳୟର ଜଣେ ଛାତ୍ରୀଙ୍କର ଦୁର୍ଘଟଣା ଜନିତ ମୃତ୍ୟୁ ପରେ ତତ୍ପର ହୋଇଛି କମିଶନରେଟ ପୋଲିସ । କଲେଜ ଛକର ଟ୍ରାଫିକ ବ୍ୟବସ୍ଥାକୁ କଡାକଡ଼ି କରିବାକୁ ଯାଉଛି ପୋଲିସ ।

ବିଶେଷକରି କଲେଜ ଛକରେ ଯେପରି ବେଆଇନ ପାର୍କିଂ ନହେବା, ଭାରୀ ଯାନ ଯେପରି ଯାତାୟତ ନକରିବ ଏହାର ସ୍ଥାୟୀ ସମାଧାନ ପାଇଁ କମିଶନରେଟ ପୋଲିସ ପକ୍ଷରୁ ଏକ ଟିମ୍‌ ଗଠନ କରାଯାଇଛି । ଏହି ଟିମ ସମୀକ୍ଷା କରି ପ୍ରଦାନ କରିବା ରିପୋର୍ଟ । ଉକ୍ତ ରିପୋର୍ଟ ଅନୁଯାୟୀ କଲେଜ ଛକରେ ପଦକ୍ଷେପ ନିଆଯିବ ବୋଲି କଟକ ଡିସିପି କହିଛନ୍ତି । ଦିନେ ଦୁଇ ଦିନ ମଧ୍ୟରେ ଏହାର ସ୍ଥାୟୀ ପଦକ୍ଷେପ ଗ୍ରହଣ କରାଯିବ ।

ତେବେ ଦୁର୍ଘଟଣା ଘଟାଇ ଥିବା ଟ୍ରକ ଡ୍ରାଇଭର ଜଣକ ଫେରାର ଅଛନ୍ତି । ତାଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି କହିଛନ୍ତି ଡିସିପି । ସେହିପରି ଦୁର୍ଘଟଣା ଦିନ କାର୍ଯ୍ୟରେ ଥିବା ପୋଲିସ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଥିବା କହିଛନ୍ତି ଡ଼ିସିପି ।

କଟକରୁ ନାରାୟଣ ସାହୁ, ଇଟିଭି ଭାରତ