କଟକ: ରେଭେନ୍ସା ବିଶ୍ୱବିଦ୍ୟାଳୟରେ ଫାଟକ ଖୋଲିବା ବିବାଦରେ ଆମରଣ ଅନଶନ କଲେ ଛାତ୍ରଛାତ୍ରୀ । ଅନ୍ୟପଟେ ଏହି ବିବାଦକୁ ନେଇ ମୁହଁ ଖୋଲିଛନ୍ତି ରେଭେନ୍ସା କର୍ତ୍ତୃପକ୍ଷ । ରେଭେନ୍ସା ରେଜିଷ୍ଟାର ଭକ୍ତ ଚରଣ ପ୍ରଧାନ କହିଛନ୍ତି, ‘‘ରେଭେନ୍ସାର 4ଟି ଗେଟ ବନ୍ଦ ରହୁନି । କେବଳ ସମୟସୀମା ଅନୁସାରେ ସନ୍ଧ୍ୟା 6ଟା ପରଠୁ 1, 2, 3 ନମ୍ବର ଗେଟ ବନ୍ଦ ରହୁଛି । ଆଉ ଛୋଟ ଗେଟ ପଟେ ଲୋକେ ଚଳପ୍ରଚଳ ହେଉଛନ୍ତି । କିନ୍ତୁ କୌଣସି ବାଇକ କିମ୍ବା କାରକୁ ଏହି ଦୁଇ ଗେଟ ପଟେ ଆସିବାକୁ ବାରଣ କରାଯାଇଛି । ଏହା କରାଯିବାର ମୁଖ୍ୟ କାରଣ, ଏହି ଦୁଇ ଗେଟ ମଧ୍ୟଦେଇ ଅନେକ ଅସାମାଜିକ ବ୍ୟକ୍ତି ବିଶ୍ୱବିଦ୍ୟାଳୟ ପରିସରକୁ ପଶୁଛନ୍ତି, ଯାହାଦ୍ୱରା କ୍ୟାମ୍ପସ ବଦନାମ ହେଉଛି । ତେବେ 4 ନମ୍ବର ଗେଟରେ ଯିବା ସମୟରେ ଯଦି କିଛି ଅସୁବିଧା ହେଉଛି, ତେବେ ସିଧାସଳଖ ଅଭିଯୋଗ ପରେ କାର୍ଯ୍ୟାନୁଷ୍ଠାନ ନିଆଯିବ ।’’
4 ନମ୍ବର ଗେଟରେ କିଛି ଅସୁବିଧା ହେଲେ ହେବ କାର୍ଯ୍ୟାନୁଷ୍ଠାନ: ରେଭେନ୍ସା କତ୍ତୃପକ୍ଷ