କଟକ:NCC ପକ୍ଷରୁ କଟକ ସହରରେ ଆରମ୍ଭ ହେଲା ପୁନିତ ସାଗର ଅଭିଯାନ(Puneet sagar Abhiyaan) । ସହରରେ ନଦୀ, ସମୁଦ୍ର ତଟକୁ ସଫା ରଖିବା ପାଇଁ ଏନସିସି ପକ୍ଷରୁ ଏହି ଅଭିଯାନ ଆରମ୍ଭ କରାଯାଇଛି । ପ୍ରଥମ ପର୍ଯ୍ୟାୟରେ ବୁଧବାର କଟକ ମହାନଦୀ ନିକଟରେ ଥିବା ବାଲିଯାତ୍ରା ପଡିଆକୁ ଏନସିସି ଛାତ୍ରଛାତ୍ରୀମାନେ ସଫା କରିଥିଲେ ।
ଆରମ୍ଭ ହେଲା ପୁନିତ ସାଗର ଅଭିଯାନ
ବର୍ତ୍ତମାନ ସମୟରେ ପରିବେଶ ପ୍ରଦୂଷଣ ମାତ୍ରା ବୃଦ୍ଧି ପାଇଥିଲା ବେଳେ ଏହି ଅଭିଯାନ ମାଧ୍ୟମରେ ପରିବେଶକୁ ପ୍ରଦୂଷଣ ମୁକ୍ତ ରଖାଯାଇପାରିବ ବୋଲି କହିଛନ୍ତି ଏନସିସି ଅଧିକାରୀ। ପୁନିତ ସାଗର ଅଭିଯାନର ଉଦଘାଟନଟି କାର୍ଯ୍ୟକ୍ରମରେ କଟକ ଜିଲ୍ଲାପାଳ ଭବାନୀ ଶଙ୍କର ଚୟିନୀ ଓ କଟକ ମେୟର ସୁବାସ ସିଂ ଯୋଗଦେଇ NCC ଛାତ୍ରଛାତ୍ରୀଙ୍କ ମନୋବଳକୁ ଆହୁରି ବୃଦ୍ଧି କରିଥିଲେ ।