କଟକ: ନିଆଳି ଅନ୍ତର୍ଗତ ପୋଖରୀଗାଁରେ ଦେଖାଦେଇଛି ନିର୍ବାଚନୀ ପରବର୍ତ୍ତୀ ହିଂସା । ମାର-ପିଟ, ଧସ୍ତାଧସ୍ତି, ହଣାକଟାରେ ଉଠୁଛି ପଡୁଛି ଗାଁ । ଫଳାଫଳ ବାହାରିବା ପରେ ବି କମିନି ପ୍ରତିଶୋଧ ଓ ଶତ୍ରୁତାର ନିଆଁ । ଏହି ଆକ୍ରମଣରେ ଜଣେ ନାବାଳିକାଙ୍କ ସମେତ 3 ଜଣ ଗୁରୁତର ଆହତ ହୋଇଥିବା ଜଣାପଡିଛି ।
ଭିଡିଓ ସୌଜନ୍ୟ- ସମ୍ବାଦଦାତା, କଟକ
ସୂଚନା ଥାଉ ଯେ, ଆକ୍ରମଣକାରୀ ଗୋଷ୍ଠୀ ଜଣେ ବିଜେପି ସମର୍ଥକଙ୍କୁ ଘରୁ ଡାକି ଆଣି ମାଡ଼ ମାରିଛନ୍ତି । ଏହି ଘଟଣାରେ ଜଣେ ନାବାଳିକାଙ୍କ ସମେତ 3 ଗୁରୁତର ଆହତ ହୋଇଛନ୍ତି । ସେମାନଙ୍କ ମଧ୍ୟରୁ 2ଜଣଙ୍କ ମୁଣ୍ଡ ଫାଟିଥିବାବେଳେ ଅନ୍ୟ ଜଣଙ୍କୁ ମାରଣାସ୍ତ୍ରରେ ଆକ୍ରମଣ କରାଯାଇଛି । ଏହା ବ୍ୟତୀତ ହିଂସାକାଣ୍ଡରେ ନାବାଳିକାଙ୍କ ହାତ ଭାଙ୍ଗିଯାଇଛି ।