ମାସ୍କ ଯାଞ୍ଚ ବେଳେ ପୋଲିସକୁ ପିଟିଲେ ଲୋକେ

ମାସ୍କ ଯାଞ୍ଚ କରୁଥିବା ବେଳେ ପୋଲିସକୁ ଗୋଡାଇ ଗୋଡେଇ ପିଟିଲେ ଲୋକ । ପୋଲିସ ଦମ୍ପତିଙ୍କୁ ମାଡ ମାରିଥିବା ଅଭିଯୋଗ । ତଦନ୍ତ ପରେ କାର୍ଯାନୁଷ୍ଠାନ ନେଇ କହିଲେ ଏସପି । ଜାଣନ୍ତୁ ଅଧିକ........

କଟକ: ମାସ୍କ ଯାଞ୍ଚ କରୁଥିବା ବେଳେ ପୋଲିସକୁ ଗୋଡାଇ ଗୋଡେଇ ପିଟିଲେ ଲୋକ । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କଟକ ଅଡଶପୁର ଅଞ୍ଚଳରେ । ଗତକାଲି ଏକ ବାଇକରେ ଦମ୍ପତି ଓ ତାଙ୍କର ଏକ ଶିଶୁ ଯାଉଥିଲା ବେଳେ ପୋଲିସ ସେମାନଙ୍କୁ ଅଟକାଇଥିଲା । ମାସ୍କ ନପିନ୍ଧିଥିବା ଦର୍ଶାଇ ମାଡ ମାରିଥିବା ଅଭିଯୋଗ ହୋଇଥିଲା । ପରେ ସ୍ଥାନୀୟ ଲୋକ ଘେରିଯାଇ ପୋଲିସ ଭ୍ୟାନକୁ ଭଙ୍ଗାରୁଜା ସହ ପୋଲିସକୁ ମାଡ ମାରିଥିବା ଦେଖାଯାଇଥିଲା ।

ତେବେ ଏହି ଘଟଣାରେ ଅଡଶପୁର ଥାନାରେ ଦୁଇଟି ପୃଥକ ମାମଲା ରୁଜୁ ହେବା ସହ ଜଣେ ଏସଡିପିଓଙ୍କୁ ଘଟଣାର ତଦନ୍ତ ଦାୟିତ୍ବ ଦିଆଯାଇଥିବା କଟକ ଗ୍ରାମାଞ୍ଚଳ ଏସପି ସୁଚନା ଦେଇଛନ୍ତି । ତଦନ୍ତ ପରେ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଏସପି କହିଛନ୍ତି ।

କଟକରୁୁ ନାରାୟଣ ସାହୁଙ୍କ ରିପୋର୍ଟ, ଇଟିଭି ଭାରତ