କଟକ: ବିବାହ ପାଇଁ ମଣ୍ଡପ ସଜା ଯାଇଥିଲା । ପୂଜକ ମଧ୍ୟ ମନ୍ତ୍ର ଉଚ୍ଚାରଣ ଚାଲିଥିଲା । ଲୋକେ ମଧ୍ୟ ବିବାହ ଭୋଜି ଖାଇ ବାହାଘର ଦେଖୁଥାନ୍ତି । ଆଉ ସାତ ଜନ୍ମର ସାଥି ହେବାକୁ ବାକିଥାଏ ହାତଗଣ୍ଠି ପଡିବାକୁ । ଏହି ସମୟରେ ହଠାତ୍ ମଣ୍ଡପରେ ପୋଲିସ ପହଞ୍ଚି ବାହାଘର ବନ୍ଦ କଲା।
ବେଦିରୁ ଉଠାଇ ନେଲା ପୋଲିସ
କେହି କିଛି ବୁଝିବା ଆଗରୁ ବରକୁ ବେଦିରୁ ଉଠାଇନେଲା ପୋଲିସ। ଏଭଳି ଘଟଣା ଦେଖିବାକୁ ମିଳିଛି କଟକର ମହାନଦୀ ବିହାର ଅଞ୍ଚଳରେ। ସୂଚନା ଅନୁଯାୟୀ, ଉକ୍ତ ଯୁବକ ଜଣକ ପୁର୍ବରୁ ଜଣେ ଯୁବତୀଙ୍କୁ କୋର୍ଟରେ ବିବାହ କରିଥିଲେ। ଯୁବକ ଜଣକ ବ୍ୟବସାୟ କରିବା ପାଇ ଯୁବତୀଙ୍କ ବାପାଙ୍କ ନିକଟରୁ ୩ ଲକ୍ଷ ଟଙ୍କା ମଧ୍ୟ ନେଇଥିଲେ।