କଟକ: ସଦର ଥାନା ହ୍ୟାଣ୍ଡକପରେ ନାବାଳକ ଚୋର । ଟ୍ରାକ୍ଟର ଚୋରି ଅଭିଯୋଗରେ ଏହି ନାବାଳକକୁ ଗିରଫ କରିଛି ପୋଲିସ । ବୁଧବାର ଗିରଫ କରାଯିବା ପରେ ତାକୁ କୋର୍ଟ ଚାଲାଣ କରାଯାଇଛି । ଗତ ୧୩ ତାରିଖ ଦିନ 42 ମୌଜା ଅଞ୍ଚଳର ଶଶିକାନ୍ତ ଦାସଙ୍କ ଟ୍ରାକ୍ଟର ଚୋରି କରିଥିଲା ଏହି ନାବାଳକ ।
ସୂଚନାଯୋଗ୍ୟ, ନାବାଳକଟି ଶଶିକାନ୍ତଙ୍କ ପାଖରେ କାମ କରୁଥିଲା । ଦୀର୍ଘ ଦିନ ଧରି ମାଲିକର ହୃଦୟ ଜିତିବା ପରେ ଶେଷରେ ସେ ଧୋକା ଦେଇଥିଲା । ଟ୍ରାକ୍ଟର ଚୋରି ହେବା ପରେ ମାଲିକ ଶଶିକାନ୍ତ ଥାନାରେ ଅଭିଯୋଗ କରିଥିଲେ । ପୋଲିସ ମାମଲା ରୁଜୁ କରି ତଦନ୍ତ କରିବା ପରେ ଶେଷରେ ଉକ୍ତ ନାବାଳକ ଚୋରକୁ ଗିରଫ କରିଛି ଏବଂ ଚୋରି ଟ୍ରାକ୍ଟର ମଧ୍ୟ ଜବତ କରିଛି ।