କଟକ: ରାଜ୍ୟରେ 141 ମଦୁଆ ଡ୍ରାଇଭରଙ୍କୁ ରବିବାର ଗିରଫ କରାଯାଇଛି। ନୂଆ ମୋଟର ଯାନ ଆଇନ ଲାଗୁ ହେବା ପର ଠାରୁ ଏପର୍ଯ୍ୟନ୍ତ 426 ଜଣ ମଦ୍ୟପ ଡ୍ରାଇଭରଙ୍କୁ ଗିରଫ କରାଯାଇଥିବା ନେଇ ଏକ ପ୍ରେସ ରିଲିଜ ମାଧ୍ୟମରେ ପୋଲିସ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ରବିବାର ରାତିରେ ପାଖାପାଖି 5 ହଜାର ଗାଡି ଯାଞ୍ଚ କରାଯାଇଥିବା ବେଳେ, ସେମାନଙ୍କ ମଧ୍ୟରୁ 141 ଜଣ ମଦ୍ୟପାନ କରି ଗାଡି ଚଳାଉ ଥିବାରୁ ଗିରଫ କରାଯାଇଛି । ଗଞ୍ଜାମ ଜିଲ୍ଲାରେ ସର୍ବାଧିକ 26 ଜଣ ମଦ୍ୟପ ଡ୍ରାଇଭର ଧରା ପଡିଥିବା ବେଳେ, ଯାଜପୁରରେ 20, ସମ୍ବଲପୁରରେ 18, ରାଉଲକେଲାରେ 16 ଜଣ, ବ୍ରହ୍ମପୁର ଓ ଜଗତସିଂହପୁରରେ 12, ଗଜପତିରେ 9, ଅନୁଗୁଳ ଓ ନବରଙ୍ଗପୁରରେ 6, କୋରାପୁଟରେ 5, ମୟୁରଭଞ୍ଜରେ 4, କେନ୍ଦ୍ରାପଡାରେ 2, ବାଲେଶ୍ଵର, ଖୋର୍ଦ୍ଧା, କନ୍ଧମାଳ, ସୁନ୍ଦରଗଡ଼ ଓ ସୋନପୁରରେ ଜଣେ ଲେଖାଏଁ ମଦ୍ୟପ ଡ୍ରାଇଭରଙ୍କୁ ଗିରଫ କରାଯାଇଛି ।