କଟକ:ଟାଙ୍ଗୀ ଅଞ୍ଚଳରେ ଅଭାବନୀୟ ଘଟଣା । କୋଲକାତାରୁ ପୁରୀ ଯାଉଥିବା ବେଳେ ଦୁର୍ଘଟଣା ଗ୍ରସ୍ତ ହେଲା ତୀର୍ଥଯାତ୍ରୀ ବସ । ୧୨ ଯାତ୍ରୀ ଆହାତ ହୋଇଥିବା ବେଳେ ୪ ଜଣ ଗୁରୁତର ହୋଇଥିବା ସୂଚନା । ବସଟି ଦ୍ରୁତ ଗତିରେ ଯାଉଥିବା ବେଳେ ବ୍ରେକ ଫେଲ ହେବାରୁ ଟାଙ୍ଗୀ ବନ୍ଦାଳ ସ୍ଥିତ ଟୋଲ ପ୍ଲାଜା ଡିଭାଇଡରରେ ପିଟି ହୋଇଥିଲା । ଫଳରେ ତିର୍ଥଯାତ୍ରୀ ବସଟି ଦୁର୍ଘଟଣାର ଶିକାର ହୋଇଥିଲା ।
ମିଳିଥିବା ସୂଚନା ଅନୁଯାୟୀ, ଜଗନନ୍ନାଥଙ୍କୁ ଦର୍ଶନ କରିବା ପାଇଁ କୋଲକାତାରୁ ଆନନ୍ଦ ଟ୍ରାଭେଲ୍ସର ଭଲବୋ ନାମକ ଏକ ତିର୍ଥଯାତ୍ରୀ ବସ ୭୦ ରୁ ଉର୍ଦ୍ଧ୍ବ ଯାତ୍ରୀଙ୍କୁ ନେଇ ପୁରୀ ଅଭିମୁଖେ ବାହାରିଥିଲା । ବସଟି ଦ୍ରୁତ ବେଗରେ ଆସୁଥିବା ବେଳେ ସନ୍ଧ୍ୟା ପ୍ରାୟ ସାତଟା ସମୟରେ ୧୬ ନମ୍ବର ଜାତୀୟ ରାଜପଥର ଟାଙ୍ଗୀ ବନ୍ଦାଳ ସ୍ଥିତ ଟୋଲ୍ ପ୍ଲାଜା ଠାରେ ଥିବା ଡିଭାଇଡରରେ ପିଟିହୋଇଥିଲା । ଫଳରେ ଘଟଣାସ୍ଥଳରେ ବସ ଚାଳକ ଓ ବସ ଆଗରେ ବସିଥିବା ଯାତ୍ରୀ ମାନେ ଆହତ ହୋଇଥିଲେ।