କଟକ:ପ୍ରବାସୀଙ୍କ ପାଇଁଁ ଥିବା ସାମାଜିକ ସୁରକ୍ଷା ଓ ଭବିଷ୍ୟତ ସୁରକ୍ଷା ଆଇନ ସହ ଅନ୍ୟ ଆଇନ କାହିଁକି ଲାଗୁ କରାଯାଉ ନାହିଁ । ଏ ସମ୍ଵନ୍ଧରେ ଜବାବ ଦାଖଲ ଲାଗି ରାଜ୍ୟ ଓ କେନ୍ଦ୍ର ସରକାରଙ୍କୁ ନୋଟିସ କରିଛନ୍ତିି ହାଇକୋର୍ଟ । ଆଇନଜୀବୀ ମୃଣାଳିନୀ ପାଢୀଙ୍କ ଦ୍ଵାରା ଦାଖଲ ଜନସ୍ବାର୍ଥ ମାମଲା ଉପରେ ଶୁଣାଣି କରି ଏପରି ନୋଟିସ ଜାରି କରିଛନ୍ତି । ନିଜ ଘର ଦ୍ଵାର ଓ ପରିବାର ଛାଡ଼ି ପ୍ରବାସୀ ଶ୍ରମିକ ଅନ୍ୟ ରାଜ୍ୟକୁ କାମ କରିବା ପାଇଁ ଯାଆନ୍ତି । ସେଠି ସେମାନଙ୍କୁ ଅନେକ ଅସୁବିଧାର ସମ୍ମୁଖିନ ହେବାକୁ ପଡୁଛି ।
ବିଶେଷ କରି କୋରୋନା ସମୟରେ ଏମାନଙ୍କର ବାସ୍ତବ ବିକଳ ଚିତ୍ର ସାମନାକୁ ଆସିଥିଲା । ଗତବର୍ଷ ଓଡ଼ିଶାରେ ପାଖାପାଖି 8 ଲକ୍ଷରୁ ଊର୍ଦ୍ଧ୍ବ ପ୍ରବାସୀ ଆସିଥିଲେ । ଯଦି ବିହାର ସରକାରଙ୍କ ପରି ସେମାନଙ୍କ ଆକାଉଣ୍ଟକୁ କିଛି ପଇସା ପଠା ଯାଇଥାନ୍ତା ତା ହେଲେ ସେମାନେ କେବେ ହେଲେ ଫେରି ନଥାନ୍ତେ । ତେବେ ସେମାନଙ୍କ ପାଇଁ ଥିବା Inter State Migrant Workmen Act ଆଇନ ଲାଗୁ କରାଯିବାର ଆବଶ୍ୟକତା ଅଛି ବୋଲି ଆବେଦନକାରୀ କୋର୍ଟରେ ଦର୍ଶେଇଛନ୍ତି ।