କଟକ: କଟକ ବୋର୍ଡ ହାଇସ୍କୁଲ ପରୀକ୍ଷା କେନ୍ଦ୍ରରେ ଆଜି ଦେଖିବାକୁ ମିଳିଥିଲା ଏକ ଭିନ୍ନ ଦୃଶ୍ୟ । ପରୀକ୍ଷା କେନ୍ଦ୍ରରେ ତିନୋଟି ସ୍କୁଲର ପରୀକ୍ଷାର୍ଥୀ ପରୀକ୍ଷା ଦେଉଥିବା ବେଳେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ଯୋବ୍ରା ମୁନିସିପାଲଟି ସ୍କୁଲର ଛାତ୍ରୀ ସୋନାଲି ଦାସ । ଦୂରାରୋଗରେ ପୀଡିତ ସୋନାଲିଙ୍କ ଇଚ୍ଛା ଶକ୍ତି ଆଗରେ ହାର ମାନିଛି ଶାରୀରିକ ଦୁର୍ବଳତା ।
ଶରୀର ଆଗରେ ମନୋବଳର ଜିତ, ସମେଟିଭ ପରୀକ୍ଷାରେ ସୋନାଲି
ହ୍ବିଲ ଚେୟାରର ସାହାରା ନେଇ ଥିବା ଏହି ଛାତ୍ରୀ ଜଣକଙ୍କ ଏପରି ସ୍ବାସ୍ଥ୍ୟଗତ ସମସ୍ୟା ଦେଇ ଗତି କରୁଛନ୍ତି କି ସେ ନିଜ ହାତରେ ଲେଖିବା ପାଇଁ ମଧ୍ୟ ସକ୍ଷମ ହୋଇ ପାରୁ ନାହାନ୍ତି । ଏନେଇ ସୋନାଲିଙ୍କ ପାଇଁ ପରୀକ୍ଷା କେନ୍ଦ୍ର ରେ ହୋଇଥିଲା ସ୍ବତନ୍ତ୍ର ବ୍ୟବସ୍ଥା । ଅନ୍ୟ ଜଣେ ଛାତ୍ରୀଙ୍କ ସହାୟତାରେ ସେ ଦେଇଛନ୍ତି ପରୀକ୍ଷା।