କଟକ: ଦୁଃଖ ଦରିଆରେ ଏକାକୀ ମଣିଷ । ନାଁ ଅଛି ଘର ନା ଅଛି ପରିବାର । ଓଭରବ୍ରିଜ ତଳେ କଟୁଛି ଜୀବନ । ସିଲଭରସିଟିରେ ଏହି କରୁଣ ଦୃଶ୍ୟ କଠୋର ହୃଦୟରେ ବି କୋହ ଭରିଦେବ । ଏ ହେଉଛନ୍ତି ଫୁଲ ମାଉସୀ, ଜୀବନ ଯୁଦ୍ଧର ଏକାକୀ ଯୋଦ୍ଧା ।
ପର କଲା ସ୍ବାମୀ:ଓଭରବ୍ରିଜ ତଳେ ଏକାକୀ ଜୀବନ
ମାନସିକ ବିକୃତି ପରେ ସ୍ବାମୀ ପର କରି ଦ୍ବିତୀୟ ବିବାହ କରିନେଲେ । ଆଉ ସ୍ବାମୀର ତାଡନା ସହି ନପାରି ଘର ଛାଡି ନେତାଜୀ ନଗର ସ୍ଥିତ ଓଭର ବ୍ରିଜ ତଳେ ନିରାଶ୍ରୟୀ ଭାବରେ ରହୁଛନ୍ତି ଫୁଲ ମାଉସୀ । ସେଠି ନାଁ ଅଛି ଲାଇଟ ନାଁ ଅଛି ପିଇବା ପାଣି । ପାଖରେ ଥିବା ମଶାଣିରୁ ପତ୍ର ଗୋଟେଇ ସେଇଥିରେ ରୋଷେଇ କରନ୍ତି ସେ । ଯିଏ ଯାହା ଦିଏ ଖାଇ ଦିଅନ୍ତି । ତେବେ ଦିନରେ ବି ଏହି ସ୍ଥାନ ଭୂତଙ୍କ ବାସସ୍ଥାନ ପାଲଟିଥିବାବେଳେ ରାତିରେ ମାଉସୀ କେମିତି ରୁହନ୍ତି ତାହା ଭାବିବା କଷ୍ଟକର । ତେବେ ନିଜର ସମସ୍ତ କଷ୍ଟ ଦୂର କରିବା ପାଇଁ ମହାଦେବଙ୍କୁ ପୂଜନ୍ତି ମାଉସୀ ।