କଟକ: ଓସିଏ ନିର୍ବାଚନ । ଶାନ୍ତି ଶୃଙ୍ଖଳାର ସହ ଓସିଏ ନିର୍ବାଚନ ନାମାଙ୍କନ ଦାଖଲ ପ୍ରକ୍ରିୟା ଶେଷ ହୋଇଛି । ୬ ଟି ପଦବୀ ପାଇଁ ନାମାଙ୍କନ ଶେଷ ହୋଇଛି । ତେବେ ଓସିଏ ନିର୍ବାଚନ ନାମାଙ୍କନ ଦାଖଲ ସମୟରେ ବିରୋଧୀ ପ୍ରାର୍ଥୀମାନଙ୍କୁ ଅଭିନନ୍ଦନ ଜଣାଇଥିବା ଦେଖାଯାଇଛି । ଓସିଏ ନିର୍ବାଚନରୁ ଓହରି ଯାଇଥିବା ଓସିଏ ବିରୋଧୀ ପ୍ୟାନେଲ ଆଜି ସଭାପତି ପ୍ରାର୍ଥୀ ପ୍ରଣବ ପ୍ରକାଶ ଦାସଙ୍କ ସମେତ ପୁରା ପ୍ୟାନେଲକୁ ଅଭିନନ୍ଦନ ଜଣାଇଥିଲେ । ଆଜି ଦିନ ୧୦.୩୦ ରୁ ସନ୍ଧ୍ୟା ୫ ଟା ପର୍ଯ୍ୟନ୍ତ ନାମାଙ୍କନ ପତ୍ର ଦାଖଲ କରିବାର ସମୟ ରହିଥିଲା । ସଭାପତି, ଉପସଭାପତି, ସମ୍ପାଦକ, ସହ ସମ୍ପାଦକ, କୋଷାଧ୍ୟକ୍ଷ, ଆପେକ୍ସ କାଉନସିଲ ପାଇଁ ନାମାଙ୍କନ ପ୍ରକ୍ରିୟା ଶେଷ ହୋଇଛି ।
ଓସିଏ ନିର୍ବାଚନ ନେଇ ବିରୋଧୀ ପ୍ୟାନେଲ ମୁଖ୍ୟ କହିଥିଲେ ଯେ " ମୁଖ୍ୟମନ୍ତ୍ରୀ କ୍ରୀଡାର ବିକାଶ ପାଇଁ ଯେଉଁ ପଦକ୍ଷେପ ନେଇଛନ୍ତି ତାହା ସ୍ୱାଗତଯୋଗ୍ୟ ପଦକ୍ଷେପ । ଏହି କ୍ରମରେ କ୍ରିକେଟର ବିକାଶ ସଭାପତି ପ୍ରଣବ ପ୍ରକାଶ ଦାସଙ୍କୁ ଓସିଏକୁ ପଠାଇଛନ୍ତି । ତେଣୁ ଆରମ୍ଭରୁ ଆମେ ସିଧାସଳଖ ନିର୍ବାଚନ ପାଇଁ ପ୍ରସ୍ତୁତ ହେଉଥିଲା ବେଳେ ପ୍ରଣବଙ୍କ ନାଁ ସାମ୍ନାକୁ ଆସିବାରୁ ତାଙ୍କୁ ପୂର୍ଣ୍ଣ ସମର୍ଥନ ଜଣାଇ ନିର୍ବାଚନ ପ୍ରକ୍ରିୟାରୁ ଓହରି ଯାଇଛୁ । ପ୍ରଣବ ଜଣେ ଦକ୍ଷ ସଙ୍ଗଠକ ତେଣୁ ଆମର ସମ୍ପୂର୍ଣ୍ଣ ସମର୍ଥନ ତାଙ୍କୁ ଓ ଓଡିଶା କ୍ରିକେଟ ପ୍ରତି ରହିବ ।"