କଟକ: ଜମି ଦଲାଲକୁ ବାନ୍ଧିଲା ପୋଲିସ । ୧୭୫୦ ବର୍ଗଫୁଟ ଜାଗା ଯୋଗାଇବା ନାଁରେ ଲକ୍ଷାଧିକ ଟଙ୍କା ଲୁଟିଥିଲା ସେ । ମାମଲା ଆଧାରରେ ଏକ ଘରୋଇ ସଂସ୍ଥାର ମାଲିକଙ୍କୁ ହ୍ୟାଣ୍ଡକପ ପକାଇ କୋର୍ଟ ଚାଲାଣ କରିଛି ପୋଲିସ । ତେବେ ଏହି ଘଟଣାଟି ୨୦୧୦ ମସିହାର ।
ପୋଲିସ ପକ୍ଷରୁ ମିଳିଥିବା ଖବର ଅନୁଯାୟୀ, ମହାନଦୀ ବିହାରରେ ଥିବା ବସୁନ୍ଧରା ଲ୍ୟାଣ୍ଡ ଅଣ୍ଡ ଡେଭଲପର୍ସ ନାମକ ସଂସ୍ଥାର ମାଲିକ ଦମୟନ୍ତୀ ନାୟକ ଓ ସ୍ବାମୀ କିଶୋର ଚନ୍ଦ୍ର ଜେନା ଏହି ଠକାମୀ ଘଟଣାର ମୁଖ୍ୟ ଅଟେ । ବାଙ୍କୀ ଅଞ୍ଚଳର ସରୋଜିନୀ ରାଉତରାୟ ନାମକ ଏକ ମହିଳା ୨୦୧୦ ମସିହାରେ ଜମି କିଣିବା ପାଇଁ ଏହି ସଂସ୍ଥାର ଦ୍ବାରସ୍ଥ ହୋଇଥିଲେ । ଅନନ୍ତପୁରୀ ପ୍ରୋଜେକ୍ଟ ଅଧୀନରେ ୧୭୫୦ ବର୍ଗଫୁଟ ଜାଗା କିଣିବା ପାଇଁ ପଞ୍ଜିକରଣ କରିଥିଲେ ସେ । ପ୍ରଥମ ପର୍ଯ୍ୟାୟରେରେ ଏହି ଦମ୍ପତି ସରୋଜିନୀଙ୍କୁ ୫୦ ହଜାର ଟଙ୍କା ପୈଠ ପାଇଁ କହିଥିଲେ ଓ ସେ ଉକ୍ତ ଘରୋଇ ସଂସ୍ଥାରେ ଟଙ୍କା ପୈଠ କରି ଚାଲାଣ ନେଇଥିଲେ । ଏହାପରେ ମଧ୍ୟ ଲକ୍ଷାଧିକ ଟଙ୍କା ଏହି ଘରୋଇ ସଂସ୍ଥାରେ ପୈଠ କରିଥିଲେ ଅଭିଯୋଗକାରୀ । କିନ୍ତୁ, ସମୟ ଗଡ଼ିବା ସହ ଜମି କିଣିବା ମଧ୍ୟ ସରୋଜିନୀଙ୍କ ପାଇଁ ସାତ ସ୍ବପ୍ନ ପାଲଟି ଯାଇଥିଲା ।