ଟ୍ରକ ଧକ୍କାରେ ଛାତ୍ରୀ ମୃତ, ରାସ୍ତା ଅବରୋଧ କଲେ ଗ୍ରାମବାସୀ

କଟକ ଟାଙ୍ଗୀ ଛକ ନିକଟରେ ଟ୍ରକ ଧକ୍କାରେ ଜଣେ ଛାତ୍ରୀଙ୍କର ମୃତ୍ୟୁ ହୋଇଛି । ଅଧିକ ପଢନ୍ତୁ...

କଟକ: ଟ୍ରକ ଧକ୍କାରେ ଛାତ୍ରୀ ମୃତ । କଟକ ଜିଲ୍ଲା ଟାଙ୍ଗୀ ଡ୍ରିମସ କଲେଜ ଛକ ନିକଟରେ ଜଣେ ଛାତ୍ରୀଙ୍କୁ ଗୋଟିଏ ଟ୍ରକ ଧକ୍କା ଦେବା ଫଳରେ ଛାତ୍ରୀଜଣଙ୍କର ମୃତ୍ୟ ହୋଇଛି । ଛାତ୍ରୀଜଣକ ହେଲେ ଟିକରା ଗ୍ରାମର ଦେବସ୍ମିତା ସାହୁ ।

ସୂଚନାଅନୁସାରେ, ହେବସ୍ମିତା ଜଗତପୁର କଲେଜରୁ ଘରକୁ ଫେରୁଥିଲେ । ଡ୍ରିମସ କଲେଜ ଛକ ନିକଟରେ ତାଙ୍କୁ ଗୋଟିଏ ସିମେଣ୍ଟ ବୋଝେଇ ଟ୍ରକ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ଦୁର୍ଘଟଣାରେ ସ୍ଥାନୀୟ ଲୋକ ଉତ୍ୟକ୍ତ ହୋଇ ରାସ୍ତାରେ ଟାୟର ଜାଳି ରାସ୍ତା ଅବରୋଧ କରିଥିଲେ । ରାସ୍ତାରେ ମୃତଦେହ ରଖି କ୍ଷତି ପୂରଣ ଦାବି କରିଥିଲେ ସ୍ଥାନୀୟ ଲାେକ ।

ରାସ୍ତା ଅବରୋଧ କାରଣରୁ କିଛି ସମୟ ପାଇଁ ଗାଡି ଚଳାଚଳ ବାଧାପ୍ରାପ୍ତ ହୋଇଥିଲା । ଘଟଣାର ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ରାସ୍ତା ଅବରୋଧ ହଟିଥିଲା । ପାେଲିସ ଦୁର୍ଘଟଣା ଘଟାଇଥିବା ଟ୍ରକକୁ ଜବତ କରି ତଦନ୍ତ ଜାରି ରଖିଛି ।

କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ