ବାଇକ ଆରୋହୀଙ୍କ ମୁଣ୍ଡରେ ଚଢିଗଲା ବସ, ପ୍ରତିବାଦରେ ରାସ୍ତା ଅବରୋଧ

16 ନମ୍ବର ଜାତୀୟ ରାଜପଥରେ ଦୁର୍ଘଟଣା । ବସ୍ ଧକ୍କାରେ ବାଇକ ଚାଳକ ମୃତ । ମୃତବ୍ୟକ୍ତିଙ୍କ ପରିଚୟ ମିଲିପାରିନାହିଁ । ଘଟଣାସ୍ଥଳରେ ସ୍ଥାନୀୟ ଲୋକ ରାସ୍ତା ଅବରୋଧ କରିଛନ୍ତି ।

କଟକ:ଟାଙ୍ଗୀ ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥରେ ଦୁର୍ଘଟଣା । କଏରାପାରି କନ୍ଦରକଣା ଛକ ଠାରେ ଘଟିଛି ଏହି ଦୁର୍ଘଟଣା ।

ଅଜଣା ଯାତ୍ରୀବାହୀ ବସ ଧକ୍କାରେ ବାଇକ ଚାଳକ ମୃତ । ମୃତକଙ୍କ ପରିଚୟ ମିଳି ପାରି ନଥିବାବେଳେ, ପ୍ରତିବାଦରେ ଉତ୍ୟକ୍ତ ଲୋକଙ୍କ ରାସ୍ତା ଅବରୋଧ କରିଥିଲେ । ଘଟଣାସ୍ଥଳରେ ଟାଙ୍ଗୀ ପୋଲିସ ପହଞ୍ଚି ଲୋକଙ୍କୁ ବୁଝାସୁଝା କରିଛି । ରାସ୍ତା ଅବରୋଧ ହଟାଇବା ସହ ଅଧିକ ତଦନ୍ତ ଜାରି ରଖିଛି ପୋଲିସ । ପରେ ଶବ ବ୍ୟବଚ୍ଛେଦ ପାଇଁ କଟକ ବଡ ଡାକ୍ତରଖାନାକୁ ପଠାଇଛି ।

କଟକରୁ ନାରାୟଣ ସାହୁ, ଇଟିଭି ଭାରତ