କଟକ: ପୋଲିସ ଡିଜି ଡାକିଲେ ସମୀକ୍ଷା ବୈଠକ । କୋଭିଡ 19 ସମ୍ବନ୍ଧୀୟ ଓ ଅନେକ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଉପରେ ହେଲା ଆଲୋଚନା । ଭିଡିଓ କନଫରେନ୍ସିଂ ମାଧ୍ୟମରେ ଅନୁଷ୍ଠିତ ହେଲା ବୈଠକ ।
ସ୍ବତନ୍ତ୍ର ଡିଜି ଗୁଇନ୍ଦା, ରାଜ୍ୟର ସମସ୍ତ ରେଞ୍ଜ ଆଇଜି ଓ ଡିଆଇଜି ଏବଂ ସମସ୍ତ ଜିଲ୍ଲା ଆରକ୍ଷୀ ଅଧୀକ୍ଷକ ବୈଠକରେ ଉପସ୍ଥିତ ଥିଲେ । ଏଥିରେ ଅସ୍ଥାୟୀ ସ୍ବାସ୍ଥ୍ୟ ଶିବିର ସୁରକ୍ଷା, ରେଳ ଷ୍ଟେସନରେ ଥିବା ଅଭ୍ୟର୍ଥନା ଗୃହ ସୁରକ୍ଷା ପ୍ରସଙ୍ଗ, ସୀମା ତନଖି ଫାଟକର ସୁରକ୍ଷାର ସୁପରିଚାଳନା ଓ ପ୍ରବାସୀ ଶ୍ରମିକଙ୍କ ବିଭିନ୍ନ ପ୍ରସଙ୍ଗ ଉପରେ ଆଲୋଚନା ହୋଇଥିଲା । ଏହାସହ କୋଭିଡ 19 ଯୋଦ୍ଧାଙ୍କ ପାଇଁ ସାମାଜିକ ଦୂରତ୍ବ ଆଧାରରେ ବନ୍ଦେ ଉତ୍କଳ ଜନନୀ ଗାନ କରିବା ଉପରେ ମଧ୍ୟ ଡିଜି ଆଲୋଚନା କରିଥିଲେ ।