'ଫ୍ରମ୍ ମି ଟୁ ୟୁ' ଫିଲ୍ମର ଶୁଭମୁକ୍ତି

ଓଲିଉଡ ଚଳଚିତ୍ର 'ଫ୍ରମ୍ ମି ଟୁ ୟୁ'ର ଶୁଭମୁକ୍ତି ଶୁକ୍ରବାର କଟକ ବୃନ୍ଦାବନ ପ୍ରେକ୍ଷାଳୟରେ ହୋଇଯାଇଛି...

କଟକ: ଫିଲ୍ମି ଫ୍ରାଇଡେରେ ରିଲିଜ ହୋଇଛି ଓଲିଉଡ ଚଳଚିତ୍ର 'ଫ୍ରମ ମି ଟୁ ୟୁ' । ଯାହାର ଶୁଭମୁକ୍ତି ଶୁକ୍ରବାର କଟକ ବୃନ୍ଦାବନ ପ୍ରେକ୍ଷାଳୟରେ ହୋଇଯାଇଛି ।

ଏହି ଫିଲ୍ମରେ ଅଭିନେତା ଜ୍ୟୋତି, ଅମ୍ଳାନ ଓ ନବାଗତା ଶ୍ରଦ୍ଧାଙ୍କ ଦମଦାର ଅଭିନୟ ଦେଖିବାକୁ ମିଳିବ। ଆକ୍ସନ, ଇମୋଶନ, ସସପେନ୍ପର ତଡକା ଭରି ରହିଛି ଫିଲ୍ମରେ । ସେହିପରି ବନ୍ଧୁତ୍ବକୁ ନେଇ ନିର୍ମାଣ ହୋଇଥିବା ଏହି ଚଳଚିତ୍ରଟି ଦର୍ଶକଙ୍କୁ ପସନ୍ଦ ଆସିବା ନେଇ ଆଶାବାଦୀ ଅଛନ୍ତି ଟିମ୍ ।

ଫିଲ୍ମରେ ରହିଛି ସମୁଦାୟ 5ଟି ଗୀତ । ଯାହାକୁ ପ୍ରଯୋଜନା କରିଛନ୍ତି ଲୋକପ୍ରିୟ ସଙ୍ଗୀତକାର ପ୍ରେମାନନ୍ଦ । ଅନ୍ୟପଟେ ଏହାକୁ ନିଜ କଣ୍ଠରେ ସଜାଇଛନ୍ତି ଅସୀମା ପଣ୍ଡା, ହ୍ୟୁମାନ ସାଗରଙ୍କ ପରି ଲୋକପ୍ରିୟ ଗୀତିକାର । ତେବେ ଏହି ଗୀତମଧ୍ୟରେ ଥିବା 'ଆପଣ ମାନେ ଖୁସି ତ' ଗୀତକୁ ମଧ୍ୟ ଖୁବ୍ ପସନ୍ଦ କରିଛନ୍ତି ଦର୍ଶକ ।

କଟକରୁ ପ୍ରଭୁ କଲ୍ୟାଣ ପାଲ୍, ଇଟିଭି ଭାରତ