ଓସିଏ ନିର୍ବାଚନ: ଆଶୀର୍ବାଦ କେମିତି ଦେବେ ଭୋଟ !

ଆସନ୍ତାକାଲି ଓସିଏ ନିର୍ବାଚନ । ନିର୍ବାଚନ ଚିଟଫଣ୍ଡ ମାମଲାରେ ସିବିଆଇ ଦ୍ବାରା ଗିରଫ ହୋଇଥିବା ଆଶୀର୍ବାଦ ଏହି ନିର୍ବାଚନରେ କିପରି ଭୋଟ ଦେବେ ତାହା ଆଜି ସନ୍ଧ୍ୟା ସୁଦ୍ଧା ସ୍ପଷ୍ଟ ହେବ ବୋଲି କୁହାଯାଇଛି ।

କଟକ: ରାତି ପାହିଲେ ଓସିଏ ନିର୍ବାଚନ । ଏଥିପାଇଁ ପ୍ରାର୍ଥୀମାନଙ୍କର ଅଙ୍କାକଷା ଏକପ୍ରକାର ସରିବା ଉପରେ । କିନ୍ତୁ ଏବେ ବି ପୂର୍ବତନ ସମ୍ପାଦକ ଆଶୀର୍ବାଦ ବେହେରାଙ୍କ ଭୋଟଦାନକୁ ନେଇ ଚର୍ଚ୍ଚା ଜୋର ଧରିଛି । ନିଜେ ଆସିବେ ନା ପୋଷ୍ଟାଲ ଵାଲାଟ ମାଧ୍ୟମରେ ସେ ତାଙ୍କର ମତ ସାବ୍ୟସ୍ତ କରିବେ ତାହା ଆଜି ସନ୍ଧ୍ୟା ସୁଦ୍ଧା ସ୍ପଷ୍ଟ ହେବ ବୋଲି ତେବେ ଓସିଏ ନିର୍ବାଚନ କମିଶନର କହିଛନ୍ତି ।

ଆଶୀର୍ବାଦଙ୍କ ସମେତ ଆଉ 2ଜଣ ବ୍ୟକ୍ତିଙ୍କୁ ମଧ୍ୟ ଏକ ସିଲ ପୋଷ୍ଟାଲ ଵାଲାଟ ପଠେଇଛନ୍ତି ଓସିଏ ନିର୍ବାଚନ କମିଶନର । ଏହାଛଡା ଏହି 3ଜଣ ଭୋଟରଙ୍କ ଭୋଟ ଗଣତି ଅନ୍ୟ ସଭ୍ୟଙ୍କ ମତଗଣନା ପରେ ହେବ ବୋଲି ଜଣାପଡିଛି ।

ଚିଟଫଣ୍ଡ ମାମଲାରେ ସିବିଆଇ ଦ୍ବାରା ଗିରଫ ହୋଇଥିବା ଆଶୀର୍ବାଦ ଏବେ ଜୁଡିସିଆଲ କଷ୍ଟଡିରେ ଅଛନ୍ତି । 2ଥର ବେଲ ପାଇଁ ଆବେଦନ କରିବା ସତ୍ତ୍ବେ ତାଙ୍କ ଆବେଦନକୁ ଖାରଜ କରିଛନ୍ତି କୋର୍ଟ । ଜେଲରେ ତାଙ୍କର ସ୍ବାସ୍ଥ୍ୟ ଅବସ୍ଥା ଖରାପ ହେବାରୁ ଏବେ କ୍ୟାପିଟାଲ ମେଡିକାଲରେ ଚିକିତ୍ସିତ ହେଉଛନ୍ତି । ଆଶୀର୍ବାଦଙ୍କୁ ନୋମିନେସନର ପୂର୍ବଦିନ ଗିରଫ କରିଥିଲା ସିବିଆଇ ।

କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ