କଟକ: ସହରରେ ପଲିଥିନ ବ୍ୟବହାର କଟକଣାର ଅସଲ ଚିତ୍ର ଦେଖିବାକୁ ମିଳିଛି । ଗତ ଅକ୍ଟୋବର ମାସ 2 ତାରିଖରୁ ସହରରେ ପଲିଥିନ ବ୍ୟବହାର ଉପରେ କଟକଣା ଲାଗୁ କରାଗଲା । ସିଏମସି ପକ୍ଷରୁ ବାରମ୍ବାର ଚଢ଼ାଉ କରାଗଲା। ଫାଇନ ବି ଆଦାୟ କରାଗଲା। ଏସବୁ ସତ୍ତ୍ବେ ଫଳ ଶୂନ। ଯଥା ପୂର୍ବଂ ତଥା ପରଂ।
ତେବେ ସବୁଠାରୁ ବଡ଼ କଥା ହେଲା ସହରରେ ପ୍ରଚୁର ପରିମାଣରେ ପଲିଥିନ ବ୍ୟବହାର କରାଯାଉଛି କିନ୍ତୁ ସିଏମସି ତାହା ଜାଣି ପାରୁନାହିଁ ନାଁ ଜାଣି ଶୁଣି ନ ଜାଣିଲା ପରି ରହୁଛି, ସେ ନେଇ ଉଠୁଛି ପ୍ରଶ୍ନବାଚୀ ? ଦୀପାବଳି ସମୟରେ ସହରରେ ବାଣ ବିକ୍ରୟ ପାଇଁ ଭେଣ୍ଡିଂ ଜୋନ କରାଯାଇଥିଲା। ଦୀପାବଳୀ ପରେ ଏହି ଭେଣ୍ଡିଂ ଜୋନ ନିକଟରେ କୁଇଣ୍ଟାଲ କୁଇଣ୍ଟାଲ ପଲିଥିନ ପଡିରହିଛି । ଯାହା ସ୍ପଷ୍ଟ ଭାବେ ପ୍ରମାଣିତ କରୁଛି କେତେ ପରିମାଣର ପଲିଥିନ ବ୍ୟବହାର କରାଯାଉଛି ।
ଭେଣ୍ଡିଂ ଜୋନରେ କୁଢ଼ କୁଢ଼ ପଲିଥିନ