ତାଲା ବନ୍ଦ ନିୟମ ଉଲ୍ଲଂଘନ, ଗତ ୨୪ ଘଣ୍ଟାରେ ୨୧୯ଟି ମାମଲା ରୁଜୁ

ବୁଧବାର ପର୍ଯ୍ୟନ୍ତ ମୋଟ ୨,୦୩୩ ଟି ମାମଲା ରୁଜୁ କରାଯାଇଛି। ଗତ ୨୪ ତାରିଖ ଠାରୁ ଏପ୍ରିଲ 1 ତାରିଖ ପର୍ଯ୍ୟନ୍ତ ଏହି ସଂଖ୍ୟକ ମାମଲା ରୁଜୁ କରାଯାଇଥିବା ପୋଲିସ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି।

କଟକ: ତାଲାବନ୍ଦ ନିୟମକୁ ଉଲ୍ଲଂଘନ କରିବା ଅଭିଯୋଗରେ ରାଜ୍ୟରେ ଥିବା ବିଭିନ୍ନ ଥାନାରେ ମାମଲା ରୁଜୁ । ବୁଧବାର ପର୍ଯ୍ୟନ୍ତ ମୋଟ ୨,୦୩୩ ଟି ମାମଲା ରୁଜୁ କରାଯାଇଛି। ଗତ ୨୪ ତାରିଖ ଠାରୁ ଏପ୍ରିଲ 1 ତାରିଖ ପର୍ଯ୍ୟନ୍ତ ଏହି ସଂଖ୍ୟକ ମାମଲା ରୁଜୁ କରାଯାଇଥିବା ପୋଲିସ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି।

୨୪ ଘଣ୍ଟାରେ ୨୧୯ ଟି ମାମଲା ରୁଜୁ

ମଙ୍ଗଳବାର ସକାଳୁ ବୁଧବାର ସକାଳ ପର୍ଯ୍ୟନ୍ତ ରାଜ୍ୟର ବିଭିନ୍ନ ଥାନାରେ ୨୧୯ ଟି ମାମଲା ରୁଜୁ କରାଯାଇଛି। ଏହି ୨୧୯ ଟି ମାମଲା ମଧ୍ୟରୁ ୧୯୭ ଟି ମାମଲା ତାଲାବନ୍ଦ ନିୟମ ଉଲ୍ଲଂଘନ କରିବା ଅଭିଯୋଗ ରୁଜୁ ହୋଇଥିବା ବେଳେ ୯ ଟି ମାମଲା ହୋମ କ୍ବାରେଣ୍ଟାଇନ ଉଲଙ୍ଘନ କରିବା ଅଭିଯୋଗରେ ଓ ୧୩ ଟି ମାମଲା ଅନ୍ୟ ସମ୍ପର୍କିତ ନିୟମ ଉଲ୍ଲଂଘନ ନେଇ ମାମଲା ରୁଜୁ କରାଯାଇଥିବା ଏକ ପ୍ରେସ ରିଲିଜ ମାଧ୍ୟମରେ ପୋଲିସ ମୁଖ୍ୟାଳୟ ପକ୍ଷରୁ ସୁଚନା ଦିଆଯାଇଛି।

କଟକରୁ ନାରାୟଣ ସାହୁ, ଇଟିଭି ଭାରତ