କଟକ: ପ୍ଲାଜମା ଦାନ କରିବାକୁ ଆଗକୁ ଆସିଲେ ଏନଡିଆରଏଫ୍ ଯବାନ । ରବିବାର ଏନଡିଆରଏଫର 8 ଜଣ ଯବାନ ନିଜର ପ୍ଲାଜମା ଦାନ କରିବାକୁ ଏସସିବି ପ୍ଲାଜମା ବ୍ୟାଙ୍କରେ ପହଞ୍ଚିଛନ୍ତି ।
ପ୍ରଥମେ ସେମାନଙ୍କ ଆଣ୍ଟିବଡ଼ି ପରୀକ୍ଷା କରାଯିବ ଏବଂ ସବୁ କିଛି ଠିକ ଥିଲେ ସେମାନଙ୍କ ପ୍ଲାଜମା ସଂଗ୍ରହ କରାଯିବ । ସେପଟେ ପ୍ଲାଜମା ପାଇଁ ଅଗ୍ନିଶମ ବିଭାଗର କର୍ମଚାରୀଙ୍କ ସ୍ବାସ୍ଥ୍ୟ ପରୀକ୍ଷା କରାଯିବ ବୋଲି ଅଗ୍ନିଶମ ବିଭାଗ ପକ୍ଷରୁ କୁହାଯାଇଛି । ସମସ୍ତ ଯବାନ ବାତ୍ୟା ଅମ୍ଫାନର ମୁକାବିଲା ପାଇଁ ପଶ୍ଚିମବଙ୍ଗ ଯାଇ ସେଠାରେ କୋରୋନା ସଂକ୍ରମିତ ହୋଇଥିଲେ । ପରବର୍ତ୍ତୀ ସମୟରେ ସମସ୍ତେ ଏହି ଭୂତାଣୁରୁ ସୁସ୍ଥ ହୋଇଛନ୍ତି ।