କଟକ: ପାନ ଦୋକାନୀଙ୍କୁ ନୃଶଂସ ଭାବେ ହତ୍ୟା । ବିଳମ୍ବିତ ରାତିରେ ଦୋକାନରେ ଶୋଇଥିବା ଅବସ୍ଥାରେ ଧାରୁଆ ଅସ୍ତ୍ରରେ ହାଣି ହତ୍ୟା କରାଯାଇଛି । ଘଟଣା ଘଟିଛି କଟକ ଜିଲ୍ଲା ସାଲେପୁର ପାଗା ଛକ ଅଞ୍ଚଳରେ । ଦୋକାନି ଜଣକ ହେଉଛନ୍ତି ପାଗା ଲଷ୍ମୀ ନାରାୟଣପୁର ଗ୍ରାମର କ୍ଷୀରୋଦ ଭୋଇ ।
ରାତି ଅଧରେ ପାନ ଦୋକାନିଙ୍କୁ ନୃଶଂସ ଭାବେ ହତ୍ୟା
ତେବେ କ୍ଷୀରୋଦ ମଙ୍ଗଳବାର ରାତିରେ ଘରକୁ ଖାଇବାକୁ ନ ଯାଇ ଦୋକାନରେ ଶୋଇଥିଲେ । ସକାଳୁ ଘରକୁ ନ ଯିବାରୁ ପୁଅ ଦୋକାନକୁ ଆସିଥିଲେ । ବାପା ଶୋଇଥିବା ଅବସ୍ଥାରେ ପାଖକୁ ଯାଇ ଦେଖିଲା ବେଳକୁ ବାପାଙ୍କ ମୁହଁ ଓ ବେକରେ ଗଭୀର ଆଘାତ ଲାଗି ବାପାଙ୍କର ମୃତ ଘଟିଛି । ଏନେଇ ସେ ପୋଲିସକୁ ଜଣାଇବା ପରେ ଘଟଣା ସ୍ଥଳରେ ପୋଲିସ ପହଞ୍ଚି ଶବ ଜବତ କରିବା ସହ ଘଟଣା ସମ୍ପର୍କରେ ତଦନ୍ତ ଚଳାଇଛି ।