କଟକ: ଜଣେ କଣ୍ଟ୍ରାକ୍ଟରଙ୍କୁ ଦାଦାବଟି ମାଗିବା ଅଭିଯୋଗରେ ଶେଖ କାଲା ବାବୁକୁ ଗିରଫ କରିଛି ପୋଲିସ । ତେବେ ଗିରଫ ହୋଇଥିବା କାଲା ବାବୁ ଦୁର୍ଦ୍ଦାନ୍ତ ଅପରାଧୀ ଟିଟୋର ସହଯୋଗୀ ବୋଲି ଜଣାପଡିଛି ।
ସୂଚନା ଅନୁଯାୟୀ କାଲା ବାବୁ କଟକରେ ଅପରାଧିକ ସାମ୍ରାଜ୍ୟ ବିସ୍ତାର କରୁଥିଲା । ରାହାଜାନି, ଲୁଟ୍, ଦାଦାବଟି ହତ୍ୟା ଧମକ ଭଳି ସଙ୍ଗୀନ ଅପରାଧିକ ମାମଲାରେ କାଲା ବାବୁ ସାମିଲ ଥିଲା । ତେବେ ଦୁର୍ଗାପୂଜା ସମୟରେ ଦାଦାବଟି ମାଗିବା କାଲା ବାବୁକୁ ମହଙ୍ଗା ପଡିଛି । ଦୁର୍ଗାପୂଜା ସମୟରେ ଦାଦାବଟି ମାଗୁ ଥିବାବେଳେ ପୋଲିସ କାଲା ବାବୁକୁ ଗିରଫ କରିଛି ।