ଲଗାଣ ବର୍ଷାରେ ଜଳବନ୍ଦୀ କଟକ

ମୌସୁମୀ ଜନିତ ବର୍ଷା ଯୋଗୁଁ କଟକ ସହର ଜଳବନ୍ଦୀ । ପୁରା ସହରରେ ଆଣ୍ଠୁଏ ଲେଖାଏଁ ପାଣି ଜମି ରହିଛି ।

କଟକ: ପିଛା ଛାଡ଼ୁନି ଜଳବନ୍ଦୀ ସମସ୍ୟା । ଅସରାଏ ବର୍ଷା ହେଲେ ରାସ୍ତାରେ ଆଣ୍ଠୁଏ ପାଣି । ଯାହାକୁ ନେଇ ନାହିଁ ନଥିବା ଅସୁବିଧାରେ ସମୁଖୀନ ହେଉଛନ୍ତି ସହରବାସୀ । ଏବେ ତ ମୌସୁମୀ ଜନିତ ବର୍ଷା ଲାଗି ରହିଛି । ସେଥିପାଇଁ ସହରର ଅନେକ ତଳିଆ ଅଞ୍ଚଳରେ ଆଣ୍ଠୁଏ ଲେଖାଁଏ ପାଣି ଜମି ରହିଛି ।

ଏହି ଦିଗରେ ପ୍ରଶାସନର ସମସ୍ତ ପ୍ରତିଶ୍ରୁତି ଧୁଆଁବାଣରେ ପରିଣତ ହେଇଛି । ତେବେ ଆଗାମୀ ଦିନରେ ସହର ବାସୀଙ୍କ କଣ ପରିସ୍ଥିତି ହେବ ତାହା କେବଳ ଦେଖିବାକୁ ବାକି ରହିଲା ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ