ମହାନଦୀ ବିହାରରେ ବଡ ଧରଣର ଲୁଟ, ପୋଲିସ ତଦନ୍ତ ଆରମ୍ଭ

କଟକର ମହାନଦୀ ବିହାର ଅଞ୍ଚଳରେ ହୋଇଛି ବଡ଼ ଧରଣର ଡକାୟତି । ଘଟଣାସ୍ଥଳରେ ପୋଲିସ ପହଞ୍ଚି ପଚରାଉଚରା ଜାରି କରିଛି । ଅଧିକ ପଢନ୍ତୁ

କଟକ: ମାତିଛନ୍ତି ଚୋର । ମଉକା ଦେଖି କଳାକନା ବୁଲାଉଛନ୍ତି ଲୁଟେରା । କଟକର ମହାନଦୀ ବିହାର ଅଞ୍ଚଳରେ ହୋଇଛି ବଡ଼ ଧରଣର ଡକାୟତି । ଘରେ ପଶି ଲୁଟେରା ଲୁଟିଛନ୍ତି ଟଙ୍କା ଓ ସୁନା ଗହଣା । ଆଜି ସକାଳ ସମୟରେ ଘଟିଛି ଏହି ଘଟଣା ।

ସୂଚନା ଅନୁଯାୟୀ, ମହାନଦୀ ବିହାର ଅଞ୍ଚଳରେ ଅଠର ଲକ୍ଷ ଟଙ୍କାରୁ ଉର୍ଦ୍ଧ୍ବ ଓ ଗୁରୁତ୍ବପୂର୍ଣ୍ଣ ସାମଗ୍ରୀ ଲୁଟ ହୋଇଥିବା ଜଣାପଡିଛି । ଏନେଇ ଖବର ପାଇ ସେଠାକାର ସ୍ଥାନୀୟ ବାସିନ୍ଦା ଆସି ତାଙ୍କ ଘରେ ଲୁଟ ହୋଇଥିବା ନେଇ ଦେଖିବାକୁ ପାଇଥିଲେ । ଏଥିସହ ସ୍ବାମୀ ଓ ସ୍ତ୍ରୀ ଦୁଇଜଣଙ୍କୁ ଦୁର୍ବୃତ୍ତ ଆକ୍ରମଣ କରିଥିଲେ । ସ୍ବାମୀଙ୍କ ମୁଣ୍ଡ ଫାଟିଥିବା ବେଳେ ସ୍ତ୍ରୀ ମଧ୍ୟ ଆହାତ ହୋଇଥିବା ଜଣାପଡିଛି । ତେବେ ଏନେଇ ପଡୋଶୀ ଜଣକ ଥାନାରେ ଖବର ଦେବା ପରେ ଘଟଣାସ୍ଥଳରେ ଚାଉଳିଆଗଞ୍ଜ ଥାନା ପୋଲିସ ପହଞ୍ଚି କିଏ ଓ କେଉଁ ଉଦ୍ଦେଶ୍ୟରେ ଏହି ବଡ଼ ଧରଣ ର ଲୁଟ କରିଛି ତାହାକୁ ନେଇ ପୋଲିସ ପଚରାଉଚରା ଜାରି ରଖିଛି ।

ଇଟିଭି ଭାରତ, କଟକ