କଟକ: ସାଲେପୁରରେ ଅଭାବନୀୟ ଘଟଣା । ହାତଗୋଡ଼ ବନ୍ଧା ଅବସ୍ଥାରେ କଲେଜ ଛାତ୍ରୀ ଉଦ୍ଧାର । ଚେତାଶୂନ୍ୟ ଅବସ୍ଥାରେ ଉଦ୍ଧାର କଲେ ସ୍ଥାନୀୟ ଲୋକେ । ଏକ ପଥପ୍ରାନ୍ତ ପରିତ୍ୟକ୍ତ ଗୃହ ଭିତରୁ ତାଙ୍କୁ ଉଦ୍ଧାର କରାଯାଇଛି । ଛାତ୍ରୀ ଜଣକ ସାଲେପୁର ସ୍ବୟଂଶାସିତ କଲେଜର ଜଣେ ନାବାଳିକା ଛାତ୍ରୀ ବୋଲି କୁହାଯାଉଛି । ତେବେ ପୋଲିସ ସହାୟତାରେ ଉଦ୍ଧାର ଛାତ୍ରୀଙ୍କୁ SCB ସ୍ଥାନାନ୍ତର କରାଯାଇଛି ।
ନାବାଳିକା କଲେଜ ଛାତ୍ରୀଙ୍କୁ କେହି ଦୁର୍ବୃତ୍ତ ହାତଗୋଡ଼ ବାନ୍ଧି ସେଠାରେ ପକାଇଥିବା ସନ୍ଦେହ କରାଯାଉଛି । ସୂଚନା ଅନୁସାରେ ସେ ଚେତାଶୂନ୍ୟ ଅବସ୍ଥାରେ ଏକ ପରିତ୍ୟକ୍ତ ଗୃହରେ ପଡ଼ି ରହିଥିଲେ । ସ୍ଥାନୀୟ ଲୋକେ ଓ କଲେଜ ଛାତ୍ରଛାତ୍ରୀ ତାଙ୍କୁ ଉଦ୍ଧାର କରିଥିଲେ । ପୀଡିତା ସାଲେପୁର ସ୍ବୟଂଶାସିତ କଲେଜର ଛାତ୍ରୀ ବୋଲି କୁହାଯାଉଛି । ତାଙ୍କୁ କେହି ଦୁର୍ବୃତ୍ତ ଓଢ଼ଣୀରେ ହାତଗୋଡ଼ ବାନ୍ଧି ଦେଇଥିଲା । ଚେତାଶୂନ୍ୟ ଅବସ୍ଥାରେ ଏକ ପରିମଳ ଗୃହରେ ପଡିରହିବା ଦେଖି କିଛି କଲେଜ ଛାତ୍ରଛାତ୍ରୀ ଓ ସ୍ଥାନୀୟ ଲୋକେ ଉଦ୍ଧାର କରି ସାଲେପୁର ପୋଲିସକୁ ଖବର ଦେବା ସହ ସାଲେପୁର ମେଡିକାଲରେ ଭର୍ତ୍ତି କରିଥିଲେ । ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ କଟକ ବଡ଼ ମେଡିକାଲ ପଠାଯାଇଛି ।