କଟକ: ସରିଲା ଏମଜିଏମ ଓଡିଶା ମହିଳା ଟି-20 ଟୁର୍ଣ୍ଣାମେଣ୍ଟ। ଫାଇନାଲରେ ବାଜି ମାରିଲା ଓଡିଶା ରେଡ । ବିପକ୍ଷ ଓଡିଶା ଭାଉଲେଟ୍କୁ 6 ୱିକେଟରେ ପରାସ୍ତ କରି ବିଜୟ ଧ୍ବଜା ଉଡାଇଛି ଦଳ ।
କିଟ ଗ୍ରାଉଣ୍ଡରେ ଫାଇନାଲ ମ୍ୟାଚ ଖେଳାଯାଇଥିଲା । ଟସ୍ ଜିତି ଓଡିଶା ରେଡ୍ ପ୍ରଥମେ ଫିଲ୍ଡିଂ କରିଥିଲା । ଓଡିଶା ଭାଉଲେଟ ନିର୍ଦ୍ଧାରିତ 20 ଓଭରରେ 5ଓ୍ବିକେଟ ହରାଇ 124 ରନ କରିଥିଲା ।
ଦଳ ପକ୍ଷରୁ ରଶ୍ମିତା ଚିନ୍ନାରା ସର୍ବାଧିକ 52 ରନ କରିଥିଲା ବେଳେ ସୁଶ୍ରୀ ଦିବ୍ୟ ଦର୍ଶନୀ 29 ରନ କରିଥିଲେ । ଜବାବରେ ବିପକ୍ଷ ରେଡ଼ ଦଳ ଧାର୍ଯ୍ୟ ଲକ୍ଷକୁ 6 ୱେକେଟ ହାତରେ ଥାଇ ବାଜି ମାରି ନେଇଥିଲ । ଦଳ ପକ୍ଷରୁ ଅଧିନାୟିକା ମାଧୁରୀ ମେହେଟା ସର୍ବାଧିକ 54 ରନ କରିଥିଲେ । ଉଭୟ ମ୍ୟାନ ଅଫ ଦି ମ୍ୟାଚ ଓ ସିରିଜ ପୁରସ୍କାରରେ ଅଳଙ୍କୃତ ହୋଇଛନ୍ତି ମାଧୁରୀ ମେହେଟା । ଏହି ଟୁର୍ଣ୍ଣାମେଣ୍ଟର ଇମରଜିଙ୍ଗ ଖେଳାଳି ସମ୍ନାନ କଳ୍ପନା ନାୟକଙ୍କୁ ମିଳିଥିଲା । ତେବେ ଏହି ପ୍ରାଇଜ ସେରିମନିରେ ଓଡିଶା କ୍ରିକେଟ ସଂଘର ସମସ୍ତ କର୍ମକର୍ତ୍ତା ଉପସ୍ଥିତ ରହି ଉଭୟ ଦଳକୁ ସମ୍ମାନିତ କରିଥିଲେ ।
କଟକରୁ ପ୍ରଭୁ କଲ୍ୟାଣ ପାଲ୍, ଇଟିଭି ଭାରତ
