ଶାନ୍ତି ଶୃଙ୍ଖଳାରେ ସରିଲା ଦ୍ବିତୀୟ ଦିନ ମାଟ୍ରିକ ପରୀକ୍ଷା

ଶାନ୍ତି ଶୃଙ୍ଖଳାର ସହ ଶେଷ ହୋଇଛି ମାଟ୍ରିକ ପରୀକ୍ଷାର ଦ୍ବିତୀୟ ଦିନ ତଥା ଦ୍ବିତୀୟ ଭାଷା ଇଂରାଜୀ ପରୀକ୍ଷା।

କଟକ: ଶାନ୍ତି ଶୃଙ୍ଖଳାର ସହ ଶେଷ ହୋଇଛି ମାଟ୍ରିକ ପରୀକ୍ଷାର ଦ୍ବିତୀୟ ଦିନ ତଥା ଦ୍ବିତୀୟ ଭାଷା ଇଂରାଜୀ ପରୀକ୍ଷା। ସକାଳ 10ଟାରୁ ପରୀକ୍ଷା ଆରମ୍ଭ ହୋଇ ଅପରାହ୍ନ 12ଟା 30ରେ ଶେଷ ହୋଇଥିଲା ପରୀକ୍ଷା। ପ୍ରଥମ ଦିନ ଅପେକ୍ଷା ଦ୍ବିତୀୟ ଦିନ ପରୀକ୍ଷା ଭଲ ହୋଇଥିବା ପରୀକ୍ଷାର୍ଥୀମାନେ ମତ ଦେଇଛନ୍ତି ।

ସେହିପରି ଅବଜେକ୍ଟିଭ ଅପେକ୍ଷା ସବଜେକ୍ଟିଭ ପରୀକ୍ଷା ଭଲ ହୋଇଥିବା ପରୀକ୍ଷାର୍ଥୀ କହିଛନ୍ତି। ତେବେ ଗତ ପରୀକ୍ଷାରେ ହୋଇଥିବା ଭାଇରାଲର କୌଣସି ପ୍ରଭାବ ପଡିନଥିବା ପରୀକ୍ଷାର୍ଥୀ କହିଛନ୍ତି। ଅନ୍ୟପଟେ ଶନିବାର ପରୀକ୍ଷାରେ କୌଣସି ଅଭିଯୋଗ ଆସିନଥିବା ବୋର୍ଡ ସ୍ପଷ୍ଟ କରିଛି।

ଶାନ୍ତି ଶୃଙ୍ଖଳାର ସହ ପରୀକ୍ଷା ପରିଚାଳନା ପାଇଁ ପରୀକ୍ଷା ପରିଚାଳନା ଦାୟିତ୍ବରେ ଥିବା ସମସ୍ତ ଅଧିକାରୀଙ୍କୁ କୃତଜ୍ଞତା ଜଣାଇଛନ୍ତି ବୋର୍ଡ କର୍ତ୍ତୃପକ୍ଷ।

କଟକରୁ ନାରାୟଣ ସାହୁ, ଇଟିଭି ଭାରତ